طيبة زيادة =فشل أكثر وأكثر؟!!!

[**تسابيح**]

المشاركة الأصلية كتبت بواسطة د/ نـــ غ ـــم

طب انا هقولكو مع موقف حصل مع أختى واتخانقت معاها بسب اللى عملته
كانت خارجه م الامتحان هى وصاحبتها فجايه تلبس نضارة الشمس بتاعتها
فبهزار ياعنى مسكت طرحه صاحبتها قال ياعنى هتمسح بيها النضارة
قامت صاحبتها ماسكه منها النضارة وقامت رمياها ع الارض فاتكسرت
صاحبتها مش تقولها اسفه او حاجه
لا
قالتلها
احسن اتفضلى بقى انزلى لميها
أختى بقى ولا ردت عليها ولا حاجه
ولا قالتلها ده مينعش وكده
فلما أختى حكتلى وكده
قولتلها انتى هبله ومكنش ينفع تسكتى وبتاع
وخصوصا ان صاحبتها دى ع طول كده
اهم حاجه نفسها وبس
وميهمهاش حد
انا مبقولش تتخانق معاها ولا حاجه
بس يبقى ليها اى رد فعل
بعد كام يوم صاحبتها بتكلمها ف التليفون (مش كانت هتتأسفلها ولا حاجه)
وانا اللى رديت بجد كنت هتخانق معاها وقالها ايه اللى عملتى ده
وبعدين قولت
ممكن تكون هتتصل تتأسفلها
وكمان هى عارفه ان النضارة دى جايلها هديه وهى بتحب تحتفظ أوى بالهدايا اللى بتجلها
وبتزلعل لو ضاعت او جرالها حاجه
وأكيد اختى بعد كل اللى قولتهولها هترد عليها او هتقولها اى حاجه
طلعت بقى صاحبتها دى (ربنا يسامحا بقى )متصله تسألها ع حاجه ف المذاكرة
ومش عارفه ايه اللى جاب سيرة النضارة
ولا هى قالتلها اوعى تكونى زعلتى او ايه
قامت اختى (ربنا يهديها)
قالتها لا مفيش حاجه
هى كده كده ليها عدسات تانيه وبتاع
ولا كأنها هى اللى بتتأسفلها
ولما كلمتها برده
بعد المكالمه وقولتها ان مكنش ينفع تكلميها كجه
ع الاقل بينلها انك زعلانه
قعدت تقولى
ربنا هياخدلى حقى

مش تستغربي يانغم لتصرفات أختك
لانها فعلا طيبة أوي ورقيقة والنوع دا مش موجود دلوقتي
يمكن انا كنت زي اختك في فترة بس بعد كدا اكتشفت
ان مينفع كل الناس تتعامل بوجه واحد عشان كدا بعدها
قررت اعمل كل الناس بالا يستهلوه بس فعلا لو في ايدي
ان اسامح حد صدقيني انا هسامحه ع الاقل اكسب فيه ثواب
وربنا برده بيأخذ حقنا وزي ما بيقولوا
**كما تدين تدان**
وأكيد الموقف دا هيتكرر تاني معا البنت صاحبة اختك وهي اللي هتتجرح المرة دي
تعرفي لو اختك كانت اختك شالت ف قلبها وحولت تبقي تردلها
اللي هي عملتها
اختك ساعتها كانت هتكون زيها
ف مواقف بتخلي الناس تتغير
هي لوحدها هتتغير لانها هتعرف ان فيه ناس بتعتبر الطيبة ضعف
سلميلي ع اختك جامد
شكرا ياجميل ع ردك نورتي التوبيك