...*رابطة طلاب هندسة اسكندرية*.....

[pinkykitty]

السلام عليكم
لكل اخواتي واسرتي هنا في الرابطة عايزة اقولكم كلمتين
احنا لما عملنا الرابطة ديه كان نفسنا انها تنجح وتكبر ويكون ليها أسرة في الكلية
وطبعا لسه نفسنا في كده
وليك حق يا بشمهنس بلال انت وكل اللي قالوا ان الرابطة نامت
لانها فعلا نامت مش بسبب ان احنا بندور على مواضيع جديدة او كده احنا فعلا نفسنا نحط جديد بس مش هو ده السبب
عارفين ايه السبب؟؟؟؟؟؟؟؟؟؟؟
اننا اصلا مش طايقين ندخل الموقع ولا الرابطة بعد اللي حصل كل شوية تبليغ للادارة وشغل تجسس
مش عارفة فيه ايه
هل هو انتقام لما بعضنا اعترض على اللي الشخص ده كان عايز يعمله وللا هو حقد وخلاص انا مش عارفة
على فكرة انا اصلا ماكانش في نيتي ادخل تاني وللا كنت حعتب المنتدى اصلا ومش بقول كده علشان تقولولي لأ اقعدي ومش حعمل موضوع اقول فيه انا قررت امشي لان اللي عايز يمشي حيمشي من غير ما يقول اصلا
بس انا بحب المنتدى هنا وبحب الرابطة ديه وانا كنت معاها من بدايتها خطوة بخطوة وان شاء الله مش حاسيبها
لان ما فيش حد يستاهل اني اسيب المكان اللي بحبه علشانه
وكمان لان اللي بيعمل كده لو كانت نيته حقد وخلاص او كانت نيته انه يضيع كل مجهودنا فانا لو مشيت او غيري مشى يبقى نفذناله اللي في دماغه وده مش حيحصل
وما حدش حيمشي من الرابطة رغم أنف الحاقدين
ودلوقتي يا جماعة عايزاكوا كلكوا تشاركوا وتجيبوا اصحابكوا ونكبر المكان اللي بيعتبر اسرة لينا
وعايزة كده اقتراحات ومشاركات علشان نجدد الرابطة
كلو يقول افكاره حتى لو كانت افكار بسيطة صدقوني حتفرق
وشكرا ليكم يا احسن اخوات واجمل رابطة في الدنيا
مستنية افكاركم