...*رابطة طلاب هندسة اسكندرية*.....

[abdelrahmanblacktiger10]

اولا: احب ابدأ بالسلام عليكم ورحمة الله وبركاته

وثانيا: احب اقول لكل البشمهندسين ان اى مشكلة تحصل بينا المفروض ما نظهرهاش للزائرين او بالمعنى الاصح المشاكل اللى بينا تتحل بينا.
ولو فى اى مشكلة شخصية بين اتنين او اكتر او لو كان فيه حد عنده شكوك على التانى يحاول يتاكد من الشكوك ده يا اما منه او من حد يكون موثوق فى كلامه لان لو كل واحد عنده مشكلة وعرضها صراحة امام كل الناس اكيد فىه بعض الناس ميعرفوش اساس المشكلة ايه وبالتالى هيبدى راي قد يكون خاطئ.

لذلك ارجو من كل البشمهندين اللى عندهم مشكلة مع حد او شكوك ممكن لو سمحت تتاكد منها تمام التاكد وبعدين تواجه بيها الشخص( انت وهو بس)واهم حاجة ما نتجاوزش الحدود يعنى مثال ((لو انا مثلا عندى مشكلة مع شخص اسمه فلان هاكلمه بهدوء وهاساله يا فلان انا سمعت كذا كذا كذا هو الكلام ده صح ولا فى حاجة انا فهمتها غلط )) ده اسلوب جميل و رائع لمواجهة الشخص.


واتمنى فى النهاية انه مايكونش فى مشاكل بينا بعد كده ان شاء الله.
ملحوظة:ارجو من الكل ان يقرا الكلام وذهنه صافى من اى شئ ولو فيه اى حاجة غلط يرد علي.