اقتباس:
المشاركة الأصلية كتبت بواسطة BaNZeR
طيب عشان نوضح الابيض والاسود الشيء وعكسه لازم نميز بين حاجتين
مش معنى إنه ربنا استجابلك يبقى عشان بيحبك بس
ومش معنى إنه ربنا مستجبلكش يبقى عشان مش بيحبك
يعني لو واحد مش مسلم ومدعاش ونجح وجاب امتياز ومجموع عالي يبقى عشان ربنا بيحبه بس !
أكيد طبعاً عشان هو أخلص الاول
طيب افرض دعيت وربنا مستجبش يبقى ربنا مش راضي عنك ؟
أكيد برده لأ
ربنا معطش اكتر من حقك وعلى قد ما ذاكرت على قد ما ادخت
يبقى لازم تتعلم من الدرس ده وتعمل حسابك في باقي تعليمك وحياتك
إنك بتاخد على قد ما بتعمل
طيب افرض انا عملت اللى عليا وزيادة ودعيت ربنا ومستجبش يبقى كده خلاص ربنا مش راضي عني
حقولك برده لأ
ده انت أكتر واحد ربنا راضي عنك
لأنك متميز بس ده مكنش مجالك الحقيقي
وربنا وداك مجالك اللى يناسبك فعلاً وبما إنك متميز يبقى تميزك حيظهر في الكلية ده وحتتفوق على كل اللى معاك
يبقى في الحالات التلاتة زي ما شايفين لازم نحمد ربنا
طول محنا مع ربنا ربنا بيحبنا
حتى لو مستجبش
ربنا بيدخرلنا الخير دايماً طول ما بنعمل اللى علينا ونتوكل عليه
ولو ربنا مستجبش دعاك في الدنيا بيعوضك عنه في الآخر
وجزاكي الله خيراً على الموضوع
وأتمنى إني مكنش طولت عليكو
|
هوا ده الكلام ياابو حميد (معلش طالبه معايا كده انهرده بنظورتي وابوحميد استحملني بقا) :D:D
بس خير يعني منورنا انهرده في قسم التنسيق وسايب القسم الهندسي لوحدوا ارجع بسرعه قبل لما القسم يتسرق
18-09-2009, 08:15 AM
العرض المتطور
