كل واحد يدخل يقول رأيه بجد على الجامعة المفتوحة

[لا يوجد اسم]

المشاركة الأصلية كتبت بواسطة etisalat__011

من وجهة نظرى المتواضعة تماماً
التعليم المفتوح سياسة فاشلة و كل من يقبلها فهو شيطان أخرس و يجب المطالبة بألغاء التعليم المفتوح أو إعادة شرط الخمس سنوات

إزاى يا سادة يتم المساواة بين طالب حاصل على 94% و طالب حاصل على 50% أين مبدأ تكافؤ الفرص ؟؟؟
الطالب أبو خمسين فى الماية ده كلنا عارفين هوه الفاشل اللى كان بيزوغ من الدروس و هوه الفاشل اللى كان بيشرب سجاير قبل و بعد الدرس و فى جمام المدرسة و هوه الطالب الفاشل اللى كان بيقف على النواصى و هوه الطالب الفاشل اللى مالى السيابر و هوه الطالب الميح اللى معندوش أى أى أى ثقافة وهوه وهوه ........................
بالله عليكم ينفع واحد فاشل زى ده يقف قدام التليفزون و يقعد يحاور علماء و المسؤلين ؟؟

مش عارف ايه الفائدة التى تعود على السيد وزير التعليم العالى و البحث العلمى فى مصر أنه يفعل هذا النظام ؟؟

و المصرى اللى على حق يشوف الغلط و يسكت

والله ولا طه حسين ولا اينشتاين كانو جايبين 94% دى

اينشتاين كان ابلد واحد فى الفصل واصبح عالم كبير

عباس العقاد مكنش معاه الابتدائية واصبح اديب كبير

وجه نظرك غلط ولو فيا اوصفها بالعنصرية يمكن يكون الكلمة دى مناسبة نوعا ما

فيه ناس جايبين حاجة وتسعين ودماغهم قفل كل اللى بيعملو فى الثانوية يحفظه ويدشو ويدخلو يكتبو

زى البهايم اللى عملين يأكلهم من غير ميفهمو عشان يكبرو ويدبحهم على العيد

ومعندهمش اى ثقافة

ولو تعرف بعض المذيعين مكنوش جايبين 60% فى الثانوية العامة ودخلو مجالات تانية

بس الحظ خلهم يدخلو مجال الاعلام ونجحو فيه

طبعا احنا عارفين ان فيه مذيعين وصحفين كبار ومش متخرجين من كلية اعلام ولكن متخرجين من كليات اخرى

ودخلو مجال الصحافة والاذاعة

الاعلام ده عايز الموهبة والذكاء والعقل والحضور والثقافة

مش تقولى ثانوية عامة اصلا اللى نجح فى الثانوية وجاب التسعين منقدرش نقول انه شخص مثقف

لان مناهج الثانوية العامة ليس بها اى نوع من الثقافة او المعرفة ابدا دى شوية قشور ومناهج رخمة

وليس لها فائدة او نفع الواحد لو كان قضى سنين الثانوية العامة دى فى المكتبة كان هيستفاد اكتر

اخى العزيز حاول تغير وجهة نظرك الغير منطقية دى

لان مش الثانوية العامة اللى هتحدد ذكاء الفرد او ثقافته

وانا جايبة 50% و جايبهم دور تانى يعنى بالعافية زى مبنقول ودخلة اعلام بس انا عارفة انى هكون احسن من 100 واحد جاب حاجة وتسعين فى المية

وعلى فكرة انا بقعد مع طلاب هندسة وطب وليس لديهم الثقافة وبقعد مع ناس فشلو فى الثانوية العامة لكن عندهم كنز فى عقلهم