أمثال حاسوبتيه

[eng.ahmed55]

المشاركة الأصلية كتبت بواسطة eng/el doktor

ليه كده؟؟؟؟!!
إنت ليه طهقان .....زهقان....متضايق
بص إن شاء الله هتضحك وتتبسط بعد لما
تتخرج وتشتغل وتخطب وتتجوز وتسافر
وتبقى مسئول عن اسره وأولاد وكل يوم المصروف
للبيت وللأولاد و يا نهار بقى لو مبتسمتش وانت بتدى المصروف
وتشم ريحة البدله كل يوم
وتفتش جيوبك
ورسايل الموبايل
وآه لو لقت عندك إسم أستاذ رضا مثلا
هتقولك مين رضا دى
هات السبع مصاحف اللى ف البيت واحلف ان رضا دا راجل
وابقى شوف لو صدقتك
وطبعا كله كوم والويك إند كوم
آه بقى لو بصيت للترابيظه اللى جنبك
ابقى خد فوطه معاك
واما تروح بقى إنت عارف
ابقى اضحك ساعتها بقى
يا راجل دا غنت هتتمنى يوم واحد من الأيام دى
بجد والله
طب بص أنا هقولك على حاجه
كل لما بتعدى مرحله بتتمنى من كل قلبك إنها ترجع تانى رغم إنك لما كنت فيها كنت كاره نفسك
يعنى انت قولت أنا لو رجعت تانيه ثانوى هبقى وزير الصحه
أنا بقول لو رجعت تانيه ثانوى هبقى وزير الصرف الصحى
هو بيقول ......وهى بتقول
دى فطره قيمة الشيئ ف افتقاده يعنى مش هتحس بقيمة الحاجه اللى ف ايدك الا لما تفقدها

يبقى احسبها صح بقى يا كبير
طالما انها محصله بعضها عيشها بالطول والعرض_طبعا بما يرضى الله _ ربنا يفك كربك وإبتسم فأنت ف مصر
وآسف طولت عليك

انا مش بقول انى زهقان من الدراسة لا بالعكس دا انا نفسى تيجى بسرعة انا بس زهقان من الفراغ نفسى اعمل حاجة بس مش عارف ان شاء الله لما اروح الكلية هبقى مبسوط لان هصاحب ناس كتير ان شاء الله
الموضوع بسيط مش مستاهل كل اللى كتبته
وجزاك الله كل خير
بس ايه حكاية الجواز دى
بعد الشر عليا
انا بحس انه نفاق فى الاول لازم تسمعها كلام حلو بعدين تطنشها
دى سنة الحياه وشكرا ليك