صرخة في وجه النظام

[mohammedabdelsa]

أقوم بعمل جدول المدرسة و بعد أن انتهيت منه الدنيا اتلخبطت . الدراسة ثلاثة أيام . لالالا خمسة أيام. لالالالا ستة أيام. كثافة الفصل مش عارف أيه . ارحمونا بقي من التخبط و التخبيط . هل يعقل أن المدرس حتي الآن لا يعرف خطته أو كام حصة هيدرسها في الأسبوع. أو كام يوم ستكون الدراسة. مش عارف أي حاجة في أي حاجة. إذن نحن في مصر!!!!!!!!!!!!!!!!!!!!!!!!!!!!!

[playmaker10]

بصراحه عندك حق الله يكون في العون

[sobhy333]

لو سألتك انت مصرى تقوللى ايه تقوللى مصرى وبن مصرى وبن مصر الله عليه قولها بأعلى صوتك مش عارف اعمل الجدول مش عارف اثبت الجدول ( دا فيه قرار بتثبيت الجدول المدرسى فاكرين

[mohammedabdelsa]

يا عالم !!!!!!!!!!!!!!!!!!!!!!! أنا مدرس و الله العظيم . حتي هذه اللحظة لا نعرف جميعاً في المدرسة لا المدرسة هتبقي كام فصل و لا خطط المواد و لا جدول الحصص و لا المدرسة ثلاثة أيام و لا خمس أيام و لا ستة أيام و لا الفصل هينقسم ولا مش هينقسم و لا أي حاجة في أي حاجة. وكان في مقرر اجتماع لمديري المدارس مع مير اللإدارة النهاردة و اتأجل ليوم الثلاثاء علشان الباشا مدير الإدارة مش عارف هو الآخر أي حاجة في أي حاجة . ومستني التعليمات من و كيل الوزارة . ووكيل الإدارة مستني الباشا الوزير علي الفيديو كونفرنس . و الزير مستني رئيس الوزراء . و رئيس الوزراء مستني حاتم الجبلي و المحافظين . يعني علي ما نبدأ نعرف احنا حاجة نبقي في العام الدراسي القادم و عليكوا خير. حلوة الحدتوة ولا ملتوتة. و الله يرحمك يا ستي أأقصد يا جدتي علشان بتوع مصر ( القاهرة ) ما يزعلوش

[Abu Menna Mohamed]

سيدي الفاضل
جميعنا لا يعرف اي شئ عن نظام الدراسة !
لقد اخبرتنا وكيلة المدرسة بعد الاجتماع مع مدير الادارة عن ان الدراسة 3 ايام مع تقسيم الطلبة الي مجموعتين و لم نعرف كم عدد الحصص في اليوم و لا عدد حصص المادة و الاهم ان نصاب المعلم لا يقل عن 30 حصة و حتي الان لم نضع الخطط و مازالت الدنيا ملخبطة و عجبي منك يا زمن الانفلونزا مرة طيور و مرة خنازير !

[mohammedabdelsa]

يا إخواني اللي يعرف حاجة عن مدارس الاعدادي اللي كانت شغالة فترتين يقول لي