ماذا بعد التخرج ؟ .....فيديو رائع عن مجالات عمل البيطريين

[Dr.Nader Galal]

مجهود رائع يا سندريلا زي ما اتعودنا منك كالعادة وانا بفكر في شركات الادويه و التصنيع وفي اتجاه للرقابه علي الاغذيه بس لسه معلوماتي عنه مش كفايه فأكسبوا ثواب بقي انتي ولا ميجو وتوضحلنا جوانبه

[Mego_me]

المشاركة الأصلية كتبت بواسطة Dr.Nader Galal

مجهود رائع يا سندريلا زي ما اتعودنا منك كالعادة وانا بفكر في شركات الادويه و التصنيع وفي اتجاه للرقابه علي الاغذيه بس لسه معلوماتي عنه مش كفايه فأكسبوا ثواب بقي انتي ولا ميجو وتوضحلنا جوانبه

بص يا ندوره بالنسبه لشركات الادويه انت غالبا بتشتغل ميديكال ريب يعني مندوب ادويه ....فيه في مصر شركات انترناشونال اللي هيا مشهوره زي فايزر وجلاكسو ونوفارتس والشركات دي مرتباتها جاااامده موت ولو معاك واسطه هتشتغل فيها وفي ناس برضه بتشتغل من غير واسطه...والشركات دي بتديك مرتب محترم اوي والمفروض عربيه عشان تلف بيها قسط العربيه الشهري بيتخصم من مرتبك وانت ليك الحق انك تختار العربيه اللي انت عايزها (لو عاوز تحوش يبقي اختار شاهين قسطها بسيط ولو عايز تعيش اختار لانسر مثلا وقسطها كبير) والشغلانه نفسها بتروح عيادات الدكاتره وتعرض الدواء وتتابع مبيعات الدوا في الصيدليات اللي جنب العياده وبيبقي ليك بونس لما بتسوق افضل....لنوع التاني من الشركات هي شركات زقه والنبي ياسطي ودي شركات محليه الصنع زي النيل والبدرشيني للادويه دي برضه مرتباتها معقوله بس مفيش عربيه ولا يحزنون وكمان ادويتهم تعبانه ......بالنسبه بقي للشغل في شركات الادويه كمجمل انا ارفضه تماما واعتبره طمس هويه لمهنتنا لكن كل الناس بتستسهل وتقول الشغلانه مش طالبه معلومات ومرطرطه واكتر ناس بيطلبوهم فيت عشان مبتسبهمش لكن الصيدلي بيسبهم ويفتح صيدليه او يطالب بمرتب اعلي لكن البيطري لو رقوه وادوله تلت تلاف جنيه هيبوس وشه شعر ودقن ويقول رضا ........
بالنسبه للرقابه علي الاغذيه والتصنيع الغذائي دي زي شركات حلواني وجهينه والمصانع دي
اولا انت بتشتغل في مهنتك يعني بتبقي رقم 1 في المصنع ...زي ما الدكتور رقم واحد في المستشفي
المرتبات مش عاليه اوي بس بتعلا
شركات زي امريكانا اول مابتقدملهم بيسفروك السعوديه بيدوك مبلغ بسيط بس بيعلي مع الوقت بيبقي اول تعيين 3 الاف ريال سعود..
وطبعا لو اشتغلت في جهينه هتضمن تاكل زبادي كل يوم

دي نظره عامه واي استفسار انا موجود.........

[Dr.Nader Galal]

ميجو شكراً علي المعلومات الاكثر من رائعه دي وربنا يكرمك إن شاء الله بس مبدائياً أنا لا باكل زبادي ولا بطيق ريحته وبالنسبه لشركات الادويه كل الشغل بيبقي ميديكال ريب بس ولا ممكن تصنيع أو حاجه تانيه ممكن مكونش انا عارفها ولما الرقابه فلوسها أقل يعني 3 ألاف ريال سعودي يبقي شركات الادويه كام؟

[Mego_me]

المشاركة الأصلية كتبت بواسطة Dr.Nader Galal

ميجو شكراً علي المعلومات الاكثر من رائعه دي وربنا يكرمك إن شاء الله بس مبدائياً أنا لا باكل زبادي ولا بطيق ريحته وبالنسبه لشركات الادويه كل الشغل بيبقي ميديكال ريب بس ولا ممكن تصنيع أو حاجه تانيه ممكن مكونش انا عارفها ولما الرقابه فلوسها أقل يعني 3 ألاف ريال سعودي يبقي شركات الادويه كام؟

خلاص يا عم اشرب زبادو ولا تزعل نفسك شركات الادويه يا مان ميديكال فقط بالنسبه ل فيت ...لا يا مان 3000 ريال دي بره مصر ...جوه مصر بتبقي تعبانه شويه ممكن في اولها الف ودول ميأكلش ترمس ممكن يكفو دره مشوي ......شركات الادويه بره و جوه جامده جدااا يبقي الادويه دي معناها التجاره ....(عارف الدوا اللي بيتباع ب 3000 جنيه مثلا الحقنه ده بيبقي متكلف علي الشركه في صناعته كام ؟؟؟15 جنيه بالكتير ) يبقي لازم يروقوك ....واي استفسار تاني انا موجود

[Dr.Nader Galal]

شكراً يا ميجو بس واضح ان صعب التحديد دلوقتي لحد ما أدرس و أعرف كله ونبقي نحدد هننوي علي ايه بس اهو يبقي عندنا خلفيه عن الكل

[Mego_me]

المشاركة الأصلية كتبت بواسطة dr.nader galal

شكراً يا ميجو بس واضح ان صعب التحديد دلوقتي لحد ما أدرس و أعرف كله ونبقي نحدد هننوي علي ايه بس اهو يبقي عندنا خلفيه عن الكل

ايوه طبعا انا بقولك الكلام ده كخلفيه ....انت اللي هتحدد بعد كده ايه المناسب ليك

[bbody]

شكرا يا دكتورة ع الفيديو الجميل ده
انا طب بيطرى المنصورة لسه داخل اول سنه ادعولى