هانصلي يعني هانصلي... .يللا بينا

[هنا الفقي]

السلام عليكم

ها عاملين ايه

ان شاء الله تكونو بخير يا احلى ولا ليد وبنانيت (والبنانيت احلى طبعا)



صلوا على النبي

صلى الله على محمد صلى الله عليه وسلم

نكمل كلامنا بقى بإذن الله

قال تعالى ((وأقم الصلاة إن الصلاة تنهى عن الفحشاء والمنكر ولذكر الله أكبر والله يعلم ما تصنعون))

الصلاة بتنهاك عن الفحشاء والمكنر



ازااااااااي؟؟!!!

خلينا نشوف الاول مين اللي بتنهاه صلاته عن الفحشاء والمنكر

اللي صلاته تنهاه عن الفحشاء والمنكر هو اللي بيقوم للصلاة بقلبه وروحه ونفسه ...

اللي يكون راغب فيما عند الله –عز وجل- مخلص السريرة لله – سبحانه وتعالى-

مش مقتنع بكده

صح؟؟

لان الاية ما حددتش حاجة

تمام ليك حق



طب بص معايا كده

( قَالَ رَجُلٌ : يَا رَسُولَ اللَّهِ ! إِنَّ فُلَانَةَ - يُذْكَرُ مِنْ كَثْرَةِ صَلَاتِهَا وَصِيَامِهَا وَصَدَقَتِهَا - غَيْرَ أَنَّهَا تُؤْذِي جِيرَانَهَا بِلِسَانِهَا ؟ قَالَ : هِيَ فِي النَّارِ .

قَالَ : يَا رَسُولَ اللَّهِ ! فَإِنَّ فُلَانَةَ - يُذْكَرُ مِنْ قِلَّةِ صِيَامِهَا وَصَدَقَتِهَا وَصَلَاتِهَا - وَإِنَّهَا تَصَدَّقُ بِالْأَثْوَارِ مِنْ الْأَقِطِ وَلَا تُؤْذِي جِيرَانَهَا بِلِسَانِهَا ؟ قَالَ : هِيَ فِي الْجَنَّةِ )



طيب

دي نقطة

نقطة تانية

انت بقى خلي من الصلاة ضابط لنفسك ولشهواتك ..يعني مثلا هازني بسمعي او ببصري او ايا كان

أفكر ::لا ده أنا بصلي

في حد بيصلي يعمل كده

لا ما يصحش

ولو ان المفروض يكون الضابط الاول والاخير ان انا مسلم مش هارتكب الذنب او المعصية دي عشان انا اولا واخيرا مسلم



بس مش مشكلة نشوف الحتة دي وقت تاني

المهم اننا ما نرتكبش المعصية ونحافظ على صلاتنا بمشيئة الله



يبقى النهرده

بنقول هانحافظ على صلاتنا ونخليها ضابط ف حياتنا لأنفسنا وشهواتنا



لأن الصلاة تنهى عن الفحشاء والمنكر


نتقابل وقت تاني