فصل الخطاب فى مسألة الألقاب, خريج حاسبات مهندس بجد و لا بيدعى

[eng.ahmed55]

المشاركة الأصلية كتبت بواسطة hopeless sara

اولا مافيش قسم احسن من قسم يا داندو ...كل واحد بيدخل القسم اللى بيحبه يبقى هايعرف يشتغل و يتفوق فيه حتى لو اقل قسم ف اقل كليه ف مصر
مادام الواحد داخل حاجه بيحبها مهما كل الناس بنتقدها يبقى هو قادر انه يتفوق فيها اكتر من اى حد ف كليه تانيه كل الناس بتشكر فيها

و كمان كل واحد حر ف اختياره و تصرفاته و لو حد دخل كليه حاببها و انت شايف انها مش حلوه ع الاقل ماتحبطوش ..لانه دخلها و مقتنع بيها ..اقل حاجه قول ربنا يوفقك ...و كلنا الحمد لله يعنى تقريبا نفس المجموع بحاجات بسيطه يعنى و لو انت مكانهم هتضايق من كده

انا مش عليك و الله ..انا حاسبات ذيك بس دى وجهت نظرى و اسفه لو ضايقت

و بالنسبه ل eng/doktor بالله عليك حاول تهديها بقى ..مش واحده تهدى التانيه تقوم
و ماتتعصبش اوى كده و كل واحد حر ف رايه و تصرافته و مدام انت مقتنع ب حاجه و مأمن بيها يبقى مايهمكش راى اى حد تانى مضايقك

صلو ع النبى كده الدراسه خلاص كمان يومين ..و ربنا يوفق كل واحد ف كليته حتى لو كانت خدمه اجتماعيه انتساب

ازيك يا بشمهندسة سارة
ايه الحلاوة دى
ايوة كدا ابدعى
فين المواهب دى من زمان
ويبخت من صلح ووفق الناس لبعضها{دا مثل لاول مرة بيتسمع وحصريا على منتدى الثانوية}
فعلا زى ما انتى قولتى لازم الواحد اللى بيدخل القسم او الكلية اللى بيحبها
بيكون هو الصح فى الناس كلها
طبعا تقاليدنا بتقول انك لو داخل طب او هندسة تبقى شاطر ومحترم
بس ازاى واللى فى خدمة اجتماعية دول يبقوا ايه
عاوز اقول ان فى ظروف بتتحكم فينا
يعنى ممكن حد فى الثانوية يحصله ظروف معينة ميجبش المجموع اللى هو عاوزه
اما بالنسبة للاقسام
الاقسام دى زى اختير الكلية بالضبط
لازم نعرف القسم اللى هيناسبنا واللى نقدر نبدع فيه
وشكرا ليكى يا بشمهندسة على ردك

[hopeless sara]

المشاركة الأصلية كتبت بواسطة eng.ahmed55

ازيك يا بشمهندسة سارة
تمام الحمد لله ..ازيك انت يابشمهندس احمد
ايه الحلاوة دى
ايوة كدا ابدعى
فين المواهب دى من زمان
احم احم و الله اخجلت تواضوعنا ..ربنا يخليك

ويبخت من صلح ووفق الناس لبعضها{دا مثل لاول مرة بيتسمع وحصريا على منتدى الثانوية}
فعلا زى ما انتى قولتى لازم الواحد اللى بيدخل القسم او الكلية اللى بيحبها
بيكون هو الصح فى الناس كلها
طبعا تقاليدنا بتقول انك لو داخل طب او هندسة تبقى شاطر ومحترم
ايوه صح و الله ..الله ينور عليك ..و طبعا ده غلط لان الشاطر هو اللى ينجح ف مجاله مهما كان
مش بالكليه ولا بالمجموع

بس ازاى واللى فى خدمة اجتماعية دول يبقوا ايه
عاوز اقول ان فى ظروف بتتحكم فينا
يعنى ممكن حد فى الثانوية يحصله ظروف معينة ميجبش المجموع اللى هو عاوزه
انا اعرف حد بجد تاكيد ل كلامك يعنى ..ماشاء الله جايب 96% بس حصله ظروف السنه اللى فاتت و مدخلش الامتحانات و هايعيد السنه دى..بس لما حد بيساله انت ف سنه كام و يعرف مش بيبص ل ظروفه ولا ايه حصلو.. اول انطباع عنه انه فاشل من قبل م يعرفه حتى مجموعه ف 2 ..و ده غلط ف تفكير ناس كتير اوى ..

اما بالنسبة للاقسام
الاقسام دى زى اختير الكلية بالضبط
لازم نعرف القسم اللى هيناسبنا واللى نقدر نبدع فيه
بالظبط كده حتى لو كل الناس شايفه انه وحش بس الواحد مؤمن انه هاينجح فيه يبقى يتوكل

وشكرا ليكى يا بشمهندسة على ردك

و الله يابشمهندس انا مكنتش عايزه ادخل و الله بس انا مابحبش اشوف حوار ولع كده ع حاجات بسيطه يعنى ..و ماقولش رايي مين عارف يمكن يهدى الامور

و مرسي اوييي ليك بجد ..و محدش يفتكر انى بدخل ف اللى ماليش فيه
و الله انا اللى خلانى اتكلم اننا يعتبر شبه زمايل يعنى .. مايصحش اللى كان بيحصل ..و بالتوفيق للجميع