أول يوم .. أجمل يوم .. وانتم ايه الاخبار ؟؟

[هانى الشرقاوى]

أنا أول يوم أنزل الجامعة النهارده
وبصراحة كان يوم رخم
فيه هاجس قى الكلية فظيع عن انفلونزا الخنازير
ممنوع غير دخول الكلية الا بعد ارتداء القناع الواقى ووممنوع دخول طلبة الكليات التانية الكلية ( الكلية كلها حوالى 20 طالب وبندخل بالكارنيه )
وكل الطلبة الاجانب ممنوع دخول الكلية الا بعد ما يقعدوا 15 يوم فى البلد ( الحجر الصحى يعنى ) ده بالنسبة للطلاب اللى كانوا مسافرين فى الاجازة ورجعوا
احنا فى الدفعة حوالى حاجة وأربعين
وبنقعد فى مدرجات كبيرة ومع كده قسموا كل فرق الترجمة الفورية الى شعبتين شعبة صباحى وشعبة مسائى
وأنا الحمد لله لقيت اسمى فى شعبة الصبح

قابلت تقريبا معظم صحابى من اسكندرية وأسوان والمنصورة والبحيرة وكفر الشيخ وشمال سيناء والمنوفية وسوهاج والمنيا ........ وطبعا كان فيه بوس واحضان وربنا يسترها بقا من الفيرس .....ههههههه
أما الطلبة الاقارقة والهنود والاسيويين وبعض العرب كانوا واعيين شوية وكانوا بيسلموا عليا باليد بس
كان عندنا معمل صوتيات بس مردتش أدخله
ومشيت من الكلية الساعة 11
وراجع بكره الزقازيق ومش جئ الاعلى أول الاسبوع الجاى
يعنى كنت رايح أسلم وأبوس ويجيلى فيرس الانفلونزا وأرجع اعدى الناس فى الشرقية
ههههههههههههه ربنا يسترها بقا