الكلام كلامهم

[اينشتاين]

ههههههههههههههههه

بصراحة مش قبل خمسين سنة على الاقل

المناخ العام لا يشجع والمواطن المصرى اصبح كل همه لقمة العيش وتربية اولاده ومش بيفكر ف ديمقراطية ولا اى شىء و اغلب الشعب للاسف لا يفقه شىء ف اى شىء

مثلا ف مرة من المرات قريت تقرير صحفى ف جريدة

الصحفى سأل واحد فى الشارع عن الاشتراكية ومعناها

المواطن البسيط رد وقال الاشتراكية يعنى نبقى كلنا مشتركين

الانسان المصرى للاسف تحس ان عنده لا مبالاة غريبة تقترب من حد البلاهة والاعاقة الذهنية

اعتقد ان الطريق عشان نكون ربع اوروبا طويل وصعب جدا ويحتاج لاجيال مبدعة مفكرة متفتحة غرضها النهضة مش التفاهة

الفرق بين المواطن العربى بشكل عام والمواطن الاوروبى ان المواطن الاوروبى مش كل همه انه ياكل ويشرب ويتجوز

همه يكون حر ويقدر يغير رئيسه بايده

كفاية كده عشان طولت

[اسلام رشوان]

اان عارف ان صحابك كتير في المنتدي

عاوزك تبعت لكل واحد منهم رسالة
** البري

** حابي

**فيثاغورث

**مساميدو

** نغم البحر

** باتمان 2

**اسيل رزق

** ادمان 2

** ميدو رجب

**روميو

**ميذو

** بزرسعيدي

**زيزو

** علكي علوم

** ابو النور

** احمد منير

** احمد منصف

** فلور

** عبقرينو

[اينشتاين]

[quote]اان عارف ان صحابك كتير في المنتدي

عاوزك تبعت لكل واحد منهم رسالة

** البري اعتزلت الشعر ليه يا برى عايزين نشوف حاجة ليك قريب وابقى افتح الماسنجر بقى

** حابي ربنا يوفقك السنة دى عشان الفنون التطبيقية وتبقى مهندسة ديكور وتفتحى مكتب تصميم كبير ان شاء الله

**فيثاغورث
مش بنشوفك ليه يا دكتور هشام


**مساميدو عايزين نشوف اعمالك الجديدة يا قلم المنتدى وساحر الكلمة


** نغم البحر
عرفت انك هتمشى يا ريت يكون الكلام ده غلط وترجعى ف رأيك لان المنتدى ما ينفعش من غير نغم البحر فاكهة المنتدى

** باتمان 2 مواضيعك بدأت تاخد شكل جميل وهادف يسا ريت تستمر على كده

**اسيل رزق اختى الصغيرة بس ارائك متناقضة شوية **
ادمان 2
عايزين نسمع صوتك يا مصطفى ما تبقاش تطول الغيبة


** ميدو رجب ربنا معاك ف الكلية بتاعتك دى وتسافر كده وتبقى مهندس بترول كبير


**روميو ازيك يا حبى عامل ايه


**ميذو فين مواضيع قسم الرجالة

** بزرسعيدي
ازيك يا استاذى عايزين مواضيعك السياسية الجميلة


**زيزو ازيك يا باشمهندس ربنا يكون ف عونك ف المسئولية بتاعت المنتدى


** علكي علوم بقالك فترة مش متواجدة زى زمان نتمنى المانع يكون خير ** ابو النور اوعى تزعل منى

** احمد منير ازيك يا زعيم الاهلاوية

** احمد منصف ربنا معاك يا دكتور والركن الطبى بقى جميل جدا من ساعة ما مسكت الاشراف انت والدكتورة هبة

** فلور ربنا معاكى يا دكتورة انتى كمان وباستفيد من مواضيعك جدا

عبقرينو المنتدى بيخطو خطوات متقدمة نتمنى انها تستمر

[اسلام رشوان]

بص يا ميدو

الموقف اللي انت حترد عليه

حقيقي لواحد صاحبي و هو محتار


واحده بتحب واحد من النت و هو مش متاكد انه بيحبها و لا لأ

المهم البنت دي عندها شريان مسدود في القلب

و حتعمل عملية خطيرة

و فيها نسبة خطورة كبيرة

و الولد مش متاكد من حبه ليها

يعمل ايه يكمل و لا يسيبها

[اينشتاين]

يعنى هو بيحبها ومش متأكد من حبها ولا ايه بالظبط

وضح يا اسلام

[اسلام رشوان]

هو معتبرها صديقة غالية عليه



و شاكك انه بيحبها

[اينشتاين]

غريبة حكاية انه شاكك ف حبها

بس انا عايز انصحه اقوله حاجة

ما دام فى انسانة بتحبك لازم تقدر مشاعرها وكمان انت شاكك ف حبها يعنى بتحبها بس تقريبا بتكدب نفسك

وما دام هى كمان مريضة واحتمال يكون ايامها معدودة ف الدنيا يا ريت يا ريت تخلى اخر ايامها دى سعادة

صدقنى حرام تعذبها وتعذب نفسك معاها

[اسلام رشوان]

شكرا ميدو

انا حبلغة بالحل ده اول ما يفتح

من علاقتي بيك اكتشفت انك انسان بتحب الغموض

و بتحب انسانة غامضة

صح و لا غلط

[اينشتاين]

هههههههههههه

غموض ايه بس ما انا صريح قدامك اهو

على فكرة الغموض جميل وحلو ويخليك دايما فى حاجة انك تستكشف اللى قدامك عشان تعرف مفاتيح شخصيته

وبالنسبة لحكاية اللى باحبها غامضة فانا ما اعتقدش

[اسلام رشوان]

يا ريت توضحلنا

ازي هيا مش شخصية غامضة

اللي اعرفه عنها انها شخصية غامضة جدا

[اينشتاين]

هههههههههههه

معلوماتك غلط يا اسلام

هى مش شخصية غامضة ولا حاجة

شخصية واضحة وصريحة وده اللى عاجبنى فيها

[اسلام رشوان]

ههههههههههههههههههههه

بطل كدب ، سيبك نتكلم في الموضوع ده بيني و بينك

الموضه اليومين دول في المنتدي يطلع واحد يقول انا ماشي و مش مكمل

انا حبطل اكتب مش عارف ايه

انا زلان منك و عشان كده حسيب المنتدي

عندك اسباب للهيافات دي و لا لأ ؟؟

[اينشتاين]

انا شايف انها حبة دلع ولا حاجة زى صاحبك البرى كده

وبعدين كمان انا حاسس ان الاعضاء بيستنوا الاخطاء لبعض عشان يستغلوها فرصة ويمشوا

يا ريت يا جماعة نصفى نفوسنا بقى مع بعض

يا ريت كل واحد يعامل التانى على اساس انه اخوه

[اسلام رشوان]

** مين احسن واحد بيكتب شعر في المنتدي ؟؟

**و ايه هيا احلي قصيدة قراتها في المتدي ؟؟؟

[اينشتاين]

احسن شاعر واحسن واحد بيكتب فى المنتدى هو msamido بلا جدال

اجمل قصيدة قريتها كانت رثاء قلبى