وجهة نظر...

[ريتا فادى]

مع احترامى لكل الاراء
بس انا فى رايي ان الولد او الشاب لو عايز يعاكس اى بنت مش هيقول دى منقبه يبقى مش هاعاكسها
النقاب مش شرط لعدم المعاكسه
وفى ناس اعرفهم مبيعكسوش غير المنقبات لانهم بيحبو يضايقوهم
اذا النقاب مش حل لمنع المعاكسات
وفى حاجة كمان
لو البنت مش مسلمه
ومش عايزة حد يعاكسها
مش هتقدر تتنقب لان دينها مش بيقولهم اتنقبو
وفى حاجة كمان
ان اسباب النقاب كتير مش قليله
وممكن سورى والله مش بقصد بكلامى ده اهانه للدين او لاى شخص
بس فى بنات بتتنقب وتروح تعمل حاجات غلط كتير ومحدش بيعرفها
لانها منقبه
هى من جواها مش منقبه بس الاسم كده
بصراحه انا مش شايفه ان فى لازمه للنقاب
ومش شايفه برده ان المنقبات يتعاقبو او يشيلو نقابهم
المفروض انها حريه شخصيه
بس بالجامعات او الاماكن اللى زى كده تكشف وشها للناس واظن ان دى مش حاجة غلط
ده رايي وسورى لو اسات لاى حد من غير قصد
ثانكس ع الموضوع