العقاب النفسي

[احمد رضا]

في اعتقادي ومش من جهه علمية إن طالما الألم عكس اللذة
يبقي لو أنا سحبت أي شئ بيسبب اللذة للإنسان هيبقي نوع من أنواع العقاب
علي سبيل المثال
انا لو عندي ابن مثلاً وعايز أعاقبه والابن ده مُتعته في إنه يبقي علي جهاز الكمبيوتر بتاعه او إنه يتفرج علي التلفزيون او إن معاه موبايل او إنه يخرج في أي وقت زي ما هو عايز

يبقي أنا أولاً عشان يبقي العِقاب مُجدي أحدد مُدة العقاب ساي مثلاً اسبوع

في خلال الإسبوع ده

* ممنوع استخدام الموبايل منعاً باتاً
* ممنوع الخروج من البيت بعد الساعة كذا
* ممنوع استخدام أي وسيلة ترفيه مُقربه له
* لو محضرش الغدا مثلاً يبقي علي العشا وعليك بخير

كدا انا مأذيتهوش بقدر ما هسببه ألم نفسي غير مُضر واهم حاجة إنه غير مُستمر بحيث متتحولش لعقدة نفسية
وبنستند في كدا كمان علي شئ تاني
وهو إن جهازنا العصبي غالباً ما بيسجل الحدث ( زمن/احداث ) + ( إحساس )
انا بقي هسجل للشخص ده او للطفل ده
الحدث + إحساس مُنفر يسلبه لذته
( لما عملت كذا اتعاقبت اد كذا ) + ( إحساس صعب وكنت مخنوق جداً )
فمش هيقربله تاني
دي وجهه نظري الشخصية