ربى ابنك سنة 2006

[خالد_khalloda]

صدقني يا تيتو هو دة اللي جابنا ورا

الأحسن نربيه من صغره على الأسلام وتجيبله شيخ من هو عنده لسه 5 سنين يحفظه القرأن ومن ماحفظش يتضرب

ولما ييجي يتفرج عالدش على أي حاجة غلط تقوله وهو في صغره أن دة حرام وتفهمه العيب والحرام و الحلال وهو لسه عيل

وتاخده كل صلاة للمسجد

ولو عايز يقعد عالنت مايضرش بس تكون جمبه وتعرفه الصح والغلط

كدة يطلع أو تطلع شاب أو فتاة أساس تربيتهم طيب وعلى فطرة الأسلام

عشان حتى لو غلطوا بعد كدة يبقى فيه جواهم حاجة أسمها ضمير تصحيهم ويرجعوا للصح

وغير كدة حتى لو عملت كدة وطلعوا بايظين يبقى أنت مالكش ذنب

ولما تتسأل عليهم يوم القيامة من الله عز وجل تلاقي حاجة تقولها وتبقى خليت مسئوليتك أمام ربنا

واللي بيعمل كدة أما أن ربنا بيجازيه أن أولاده يبقوا صالحين ويطيعوه في الدنيا ولما يموت يدعوله بالرحمة وتبقى صدقة جارية على روحه

يا أما لو طلعوا بايظين يبقى دة أختبار من ربنا وأكيد هو شايل عنده ثواب كل اللي عملته

وفي كلتا الحالتين أنت الكسبان

وشكرا ليك يا تيتو على الموضوع

أسف للتطويل