مصر ...........الجزائر

[منار على]

انا بقى شايفه ان اللى بيحصل دا كله تفاهه

بدل مانشوف موضوع جد نتكلم فيه او نشارك فيه

بنتكلم عن الكوره ومتعصبين جدا

للى حصل ورايحين نشجع الكوره

لكن لو انطلب مننا مثلا اننا نساعد اخوانا الفلسطينين

او نساهم فى حل مشكله من مشاكلنا اللى مبتخلصش

كل واحد بيستخبى ويقول انا مالى

ياترى الناس بتلهى نفسها وتحاول تتناسى واقع

مشين

ولا اللى بيحصل كله مخطط الهدف منه الهائنا عن حاجات اهم

واحنا بنساعد فيه بايدينا

وبندى لاصحاب المخطط الفرصه انهم ينجحوا فى اللى عايزين يوصلوله

سواء كنا احنا او الجزائريين او باقى الدول العربيه

انا شايفه ان كفايه جدا كدا

المفروض نفوق ونشوف الواقع المؤسف اللى بقينا فيه

ونقف مع بعض ايد واحده ونحاول نحل مشاكلنا كعرب وكمسلمين مع بعض

مش كل دوله عربيه لو حدها

وبدل مانفكر فى اننا نقف ايد واحده مع بعض ضد اعدائنا بنفكر ازاى نقف ونحارب بعض

فعلا فرق تسد

وبسبب العصبيه وانعدام التفكير بعقل وبمنطق وبذكاء

هنفضل كدا وهيفضل واقعنا كل يوم يمر اسوا من اللى قبله

ومش بعيد فى وقت قريب جدا نلاقى مصر والجزائر وباقى الدول العربيه

فلسطين تانيه