الكارثة الحقيقية فى موضوع مصر والجزائر

[BaNZeR]

محمد فوكس
انا واحد شتمت فيهم وقلت عليهم وعملت فيهم تصميم كمان
واتشمت من واحد جزائري مش في شخصي بس لكل مصري وعملتله بلوك

بس تعالى نبص لحاجتين تلاتة
1- الجزائريين تاريخهم مليان بالعنف اه بس مش كلهم وحشين
2- كل مكان حتلقى فيه الكويس والوحش
3- احنا اتهانا سياسياً مش كروياً
4- قصاصك منهم حيكون من البلد مش من الشعب المظلوم
5- مش انت اللى حتقدر تاخد اي موقف سياسي سيب السياسة للبلد
حتى لو معمَلٍتش حاجة مش انت اللى حتعمل
6- بما إنك مش حيكون ليك دور سياسي يبقى اي موقف تاني حتاخده حيكون ضد الشعب يعني ضد ناس مكنتش موافقة عاللى حصل

خد كمان الحقائق دي
كلنا عرب وكلنا اخوة والمفروض كلنا مسلمين
انا بكتب الجملة وعايز امسحها بس هي الحقيقة في الآخر
ولازم في يوم حنرجع تاني

حتى لو لقيت حد فيهم بيشتمنا اعذره
جريدة الشروخ عاملة الواجب وزيادة بصراحة انا نفسي ذهلت ،ولولا إني عارف اللى عملوه كنت صدقت من كتر الاخبار !

متقلش الاعلام المصري معملش حاجة هو صحيح مشتمش ومزيفش الحقائق بس إنك تطلع نفسك كامل دايماً مش صح

عايز اقولك كفاية شحن لحد هنا !
الدور الباقي مش علينا .....الباقي على اتحاد الكورة والريس والاعلام