اخر اخبار تصحيح امتحانات كادر المعلم المساعد

[زياد الشلقامى]

وعلى فكرة دى اخر مرة اجيب فيها اخبار وشكرا

[shima sayed]

يا جماعة هي مش حتفرق شهر يناير من شهر يونيه المهم يكون في نية فعلية لتثبيتنا يعني احنا صابرين لينا سنتين وأكثر ومش حنصبر الكام شهر دول المهم يارب بس يثبتونا في الاخر

[vip_ame]

ياباشا اصلا مافيش تعيينات بتم الا فى شهر 7 ودى حاجه معروفة
التعيينات بتم مع السنة المالية الجديدة

لكن حكاية النتيجة بقى هاتتأخر ولا لا دى قصة تانية مالهاش دعوة بالتعيين او غيره

[terra]

انا حاسة ان كلامك صح لانهم مديلنا مهلة لشهر سبعة ناخد فيها ال الاى سى دى ال

[طارق محمد فرح]

لازم نفتى فى كل حاجة يا سلام لو نبطل كلام

[اسامة الفقى]

الاخ زياد أرجوا أن يكون صدرك رحب ولاتحرمنا من أخبارك ومقترحاتك وآرائك
فى سبيل فائدة زملائك المعلمين
وكل منا يجتهد فى أخباره وقد يصيب
ومع احترامى للجميع فكلام الوزير والمسؤلين مصدق

[salems]

للأخوة المتعقدين
فيما يخص التعيين قادم ولكن لن يتم إلا مع السنة المالية الجديدة يعني شهر 7
أما النتيجةربنا يقررررررررررربها لكم

[teacher120]

ومنين حضراتكم جبتم الكلام دا كله للاسف كلام وخلاص بدون دليل والنتيجه ان شاء الله فى منتصف يناير ثانيا مش هيصدر الترخيص للمهنه الا للى معاه الاىسىدىال والى مش معاه هينتظروا لما يقدم الشهاده دا المفيد غر كده كلام من وحى الخيال والله اعلى واعلم

[مصطفى محمد ص]

كلكم بنكلموا عن التثبيت ويسر الجمل قال كذا وأنا سمعت من مصدر موثوق كذا
ونسيتم إن التثبيت ليس بيد أحد غير وزير التنمية الإدارية " أحمد درويش " ونسيتم كمان إن هناك قرارات واضحة وصريحة للتثبيت زى قانون 5 لسنة 2000 الذى ينص على بأنه يتم تعيين العمالة المؤقتة طبقا للقانون رقم 5 لسنة 2000 والذي تنص الفقرة الثانية من المادة "23" منه علي أنه "يجوز استثناء من حكم المادة "17" تعيين العاملين المعينين بمكافآت شاملة علي اعتمادات الأجور وفقا لأحكام التأشيرات العامة للموازنة العامة للدولة والهيئات الاقتصادية والذين مضي علي تعيينهم بهذه الصفة ثلاث سنوات علي الأقل في الوظائف الشاغرة بدرجات بداية التعيين بالجهات التي يعملون بها إذا توافرت فيهم شروط شغل الوظيفة وذلك بعد موافقة الجهاز المركزي للتنظيم والادارة" وكذلك الكتاب الدوري رقم "6" لسنة 2000 بشأن تعيين العاملين المعينين بمكافأة شاملة والمبدأ المستقر رقم "14" والصادر بشأن كيفية معاملة المعينين بالتشغيل الحكومي وفقا لأحكام اللقانون رقم "5" لسنة 2000 والذي ينص علي "لا يجوز اتخاذ أي اجراء من إجراءات التعيين إلا بعد اخطار الجهاز المركزي للتنظيم والادارية بالاعداد المطلوب تعيينهم علي درجات دائمة والحصول علي موافقته ويتم التعيين في حدود هذه الموافقة وعند التزاحم بين المؤقتين يتم التفضيل لمن قضي مدة أطول للعقد المؤقت وفي حالة التساوي في المدة يتم تطبيق أحكام المادة 18 من القانون رقم 47 لسنة 1978".
ــــــــــــــــــــــــــــــــــــــــــــــــــ ــ
معلش متزعلوش منى أنا حبيت أوضح لأن التثبت يتم طبقا للأقدمية فى العقد وهناك معلمين معينين فى الجهاز الإدارى بالدولة منذ سنوات طويلة ما يقرب من ست سنوت من عام 2004 وعددهم 82 ألف متعاقد
إذا من المفروض تثبيت هؤلاء أولا كما ذكر وزير التنمية الإدارية لأنهم معينين على على الباب الأول أجور بند ( 2 ) مكافئة شاملة نوع ( 2 ) أجور موسميين ....
وهذا مدون فى العقد المبرم بينهم وبين جهة عملهم لذا أدعوا كل متعاقد بإعادة قراءة عقدة والتأكد من أنة معين على الباب الأول أجور بند ( 2 ) مكافئة شاملة نوع ( 2 ) أجور موسميين .. أم لا .
بسرعة وردم على وأنا تحت أمركم فى أى إستفسار ..

[زياد الشلقامى]

المشاركة الأصلية كتبت بواسطة اسامة الفقى

الاخ زياد أرجوا أن يكون صدرك رحب ولاتحرمنا من أخبارك ومقترحاتك وآرائك
فى سبيل فائدة زملائك المعلمين
وكل منا يجتهد فى أخباره وقد يصيب
ومع احترامى للجميع فكلام الوزير والمسؤلين مصدق

شكرا اخ اسامة على كلامك وعلى فكرة واللى عاوز يصدق يصدق واللى ما يصدقش براحته بس ليه الهجمة دى دا انا باقول كله ناجح ومفيش اعادة امتحان واللى امتحن فصل وهو مادة مش هيعمللوا حاجة والتعيين مؤكد بانتهاء السنة المالية سبنا كل ده وشبطنا فى تأجيل النتيجة رغم ان مشاركتى كانت بتقول من الممكن التأجيل ويا باشا من امتى كلام الوزراء مصدق زى بعضه بكرة كله يبقى على المكشوف وربنا ينجحنا ويثبتنا كلنا وانا مش زعلان لانه ده غصب عنا لان المتعاقدين شربوا الويل بدون ذنب ومش طايقيين حتى انفسهم بس انشاء الله فرجه قريب ونبارك لبعضينا مع 15/1/ مع ظهور النتيجة ان صدقوا فى كلامهم

[AlaaElden]

ياجماعة انا النهاردة فى الاكاديمية لقيت اوراق معلقنها باسماء المتعاقدين اللى عندهم اخطاء فى الورقة الامتحانات سواء كا خطأ كود او كود الامتحانات فهذا دليل قاااااااااااااااااطع ان الامتحانات بتصحح الايام دية واللى مش مصدقنى ينزل اكاديمية المعلمين الزقازيق هيلاقى النشرة باسماع المتعاقدين اللى عندهم اخطاء فهذا دليل انه بيتم تصحيح الامتحانات الان وياريت محدش يسمع كلام برة او اشاعة ولا من مصدر خارجى او سماع كلام موظف لانه لا يعلم شىء وانه بيفتى لان اللى عارف كل حاجة الوزير وهو المصدر الموثوق منه لان احنا سمعنا كلام كتير من موظفين وطلع كلامهم فشنك

وبالنسبة للتطبيق الكادر :
الناس كلها فى التعليقات بتقول ان االكادر هيتنفذ فى السنة المالية الجديدة اى فى شهر 7
كانوا عملوها مع الناس اللى امتحنوا فى سبتمبر يعنى هم مش مرتبين لهذا الموضوع واذا فرضنا انهم مرتبين ذلك فكان من الاولى انهم يمتحنونا شهر 4 او 5ومكنوش بعتوا نشرات للادرات ولا على موقع الاكاديمية وانهم مكنوش حددوا ان الامتحانات يوم 20/11 فى يوم وليلة بل انهم مرتبين الموضوع وعملين دراسة

[AlaaElden]

المشاركة الأصلية كتبت بواسطة vip_ame

ياباشا اصلا مافيش تعيينات بتم الا فى شهر 7 ودى حاجه معروفة
التعيينات بتم مع السنة المالية الجديدة

لكن حكاية النتيجة بقى هاتتأخر ولا لا دى قصة تانية مالهاش دعوة بالتعيين او غيره

انت بتقول ان مفيش تعيينات الا فى شهر 7؟ وكمان دية حاجة معروفة؟ومين قالك الكلام دة؟
مكنوش قبضوا الناس اللى نجحوا فى شهر 9 اللى فات وكانوا قبضوا فى السنة المالية الجديد زى ما سيادتك بتقول ومكنش اللى امتحنوا فى 8 قبضوا وتم تعيينهم للدرجة التالية واخدوا الكادر

[سها أحمد شوقي]

هي علي العموم شكلها كده هتبان في منتصف يناير ربنا يستر لاننا بقينا في العد التنازلي كله يدعي

[roaaaa]

ياااااااااااااااااااارب النجاح والتوفيق

[أ/ هشام العيسوى]

مشكلتنا هنا فى الفزلكة
وكل واحد فاكر نفسه فاهم كل حاجة
ويقعد يخترع كلام مالوش اصل ويجيبه هنا على انه حقائق

(تعليقى على التعليقات وليس صاحب الموضوع الاصلى)