الى من ينادى بترشيح البرادعى

[سلفري]

المشاركة الأصلية كتبت بواسطة redagoh

إيه ياعم سلفرى إنت طايح فى الناس كدا ليه --- إعتذرت لك إعتذار الكبار لأرفع عنك اليأس وتكمل معانا أتاريك سقت فيها
إهدى ياعم شويه وفكر كدا تجيب لنا فى ردك القادم بلد على الأرض مافيهاش حراميه ومفسدين
وليس هذا تبرير للفساد- لكن تأكد أن ربنا إستجاب لدعاء الملايين والمحاكم إتملت بيهم ولسه بس المهم الأمل فى الله وربنا يهلك الظالمين بالظالمين----------------الفرق بينا وبين الدول التانيه إن إحنا بنقعد نولول ونوح ونستنى الحكومه تعمل كل حاجه ---- إسأل نفسك كم مرة شفت بعنيك فساد وقلت أنا مالى - وكمان إتهمت البلد بالفساد وكأنك مش منها --- وعلشان أنا عارف ردك أنا زيك ويمكن أكون أكترمنك -- لكنى عمرى ما ضحيت بغاليه عمرها أكتر من 7000سنه وعشاقها أكتر من 80مليون -- يعنى تحرص وانت بتتكلم - وأنا بالنيابه عن نفسى هدافع عن بلدى من الحبايب اللى جايين على جناح طيارة لانعلم وجهتها ولامن أين كان مطار إقلاعها ومن دفع ثمن وقودها --- نعم للتغيير بينا وليناوليس بأن يفرض علينا ولا يكون مجرد تغيير فى الوجوه زى العراق ياسادة ------- وشكرا للجميع

انت زعلت مني ولا ايه
لالالا ياعم مايرضينيش ده طبعا كل الاحترام والتقدير لك واعذرني لو ردي وصلك بشكل مش حلو
بس يظهر الهم خلانا مش عارفين حتى نعبر
وردود النفاق خلتنا مش قادرين نركز مين همه البلد بجد ومين همه ينافق وبس
السماح استاذنا الكريم
اما بخصوص التهاون مننا فكلامك صح كلنا بنتهاون بس للاسف المتهاونين اقل من المنافقين والمنتفعين
وسبب ضياع البلد مش التهاون لا النفاق والانتفاع
تحياتي واعتذاري لك