لو كنت مكانى هتعمل ايه ......ياريت الكل يدخل بجد محتاج ارائكم

[حمامة فلسطين]

والله زى ماتكون انا اللى بكتب
بس فى والله اكتر من كدة
انا اما اتعصبت كلمت المدرس اتضايق منى خالص
وبص كانوا فى البداية اصحابى بيتضايقوا منى بس بعدين اعتادوا كدة وعرفوا ان اللى بيكون فى لجنتى لازم يذاكر
بس طبعا فى كام لجنة فى المعهد وكام معهد فى المنطقة وكام منطقة فى الجمهورية
دى اصعب مشكلة ممكن تواجهك
وشوف بقى علشان مش عايز تغش ولا يكون فى غش بيجيلك الغش على طبق من فضة اه والله تلاقى حد يقولك خلصت الامتحان ...طب عايزة حاجة... اجيبلك كتاب ايه؟؟؟
اخويا السنة اللى فاتت قالى انهم كانوا فى من اصحابه بيدخلوا بالقواميس فى امتحان المستوىيا الهى معقوله....وكل مجموعة عاملة دويتو مع بعضها وهو اما قال لا المدرسين فى منهم احترمه وفى اللى.........يلا بقى
الماساة الحقيقية اما النتيجة طلعت ولقى اللى غش بقى اعلى منه ودخلوا كليات قمة.....
قال مش مهم نصيبى كدة
واما راح كليته لقى بقى الزملاء الجدد ما يعرفوش اى حاجة ماهو كل واحد دخل على قد ماغش ...يلا
وتصدق بقى انهم يقولو لك حرام عليكى انتى مانعة اصحابك اللى معاكى من الغش وباقى المعهد غرقان فى الغش
ويقولولك ما انتى ذاكرى ومالكيش دعوة بحد وخدى درجتك من مجهودك
وطبعا زى ما حضرتك قلت هاخد درجتى بس التنسيق بقى عالى هعمل ايه
هما هيدخلوا طب وهندسة وصيدله وسنة وهيسيبوها بس انا مش هينفع اروح اقولهم انا عايز اخد مكانى اللى خلاص فيضى لى
والله انا كل اما افكر فى الموضوع ده اتعب
بس هعمل ايه؟؟ واحنا اصلا السنة دى فى ايد ناس تانية يعنى مثلا لو قلت فى اول الامتحانات مش عايزين غش والكلام ده ضايق المدرس
ياسلام بقى لو جه يمتحنك شفوىيبقى امتحانك مش فايت
يمكن اصعب شىء السنة دى انها مصير
كل سنة كان ممكن اعاند اه ما انا مش هاممنى ........بس السنة دى اعمل ايه؟؟؟
لو عرفت حل ابقى اتصل على00000000099999
ماشى ربنا معاك
معلش طولت عليكم انا اسفة بس اتخنقت بجد