اقتباس:
المشاركة الأصلية كتبت بواسطة Hassaan EL-NAKIB
الرئيس يخاطب شعبه
للشاعر احمد فؤاد نجم
يا شعبى ..يا حبيبى .. يا حطك فى جيبى يا إبن الحلال
يا شعبى يا شاطر ..يا جابر خواطر ..يا ساكن مقابر وصابر وعال
يا واكل سمومك ..يا بايع هدومك ..يا حامل همومك وشايل جبال
يا شعبى إللى نايم ..وسارح وهايم ..وفى الفقر عايم وحاله دا حال
احبك محشش .. مفرفش مطنش ..ودايخ مدروخ وآخر إنسطال
احبك مكبر ..دماغك مخدر ..ممشى امورك كدة بالتكال
واحب إاللى ينصب ..واحب إللى يكدب ..واحب إللى يسرق وينهب تلال
واحب إللى شايف .. وعارف وخايف ..وبالع لسانه وكاتم ما قال
واحب إللى قافل عيونه المغفل .. واحب البهايم واحب البغال
واحب إللى راضى ..واحب إللى فاضى ..واحب إللى عايز يربى العيال
واحب إللى يائس ..واحب إللى بائس ..واحب إللى محبط وشايف محال
واحبك تسافر .. وتبعد تهاجر .. وتبعت فلوسك دولار او ريال
واحبك تطبل .. تهلل تهبل ..عشان ماتش كورة وفيلم ومقال
واحبك تأيد .. تعضد تمجد .. توافق تنافق وتلحس نعال
تحضر نشادر ..تجمع كوادر ..تلمع تقمع تظبط مجال
لكن لو تفكر ..تخطط تقرر ..تشغللى مخك وتفتح جدال
وتبدأ تشاكل .. وتعمل مشاكل ..وتنكش مسائل وتسأل سؤال
ساعتها هاجيبك ..لا يمكن اسيبك ..وراح تبقى عبرة وتصبح مثال
هابهدل جنابك ..واذل إللى جابك ..وهيكون عذابك دا فوق الاحتمال
وامرمط سعادتك ..واهزأ سيادتك ..واخللى كرامتك فى حالة هزال
وتلبس قضية ..وتصبح رزية ..وباقى حياتك تعيش فى إنعزال
هتقبل هاحبك ..هترفض هلبك .. هتطلع هتنزل هاجيبلك جمال |
بجد
حسيت بيها لو عندك حاجات حلوه زي دي ياريت تبعتهالي علي الخاص
مشكور
13-03-2010, 03:59 PM
إيه الحلاوة دي...
العرض الشجري
