ما رأيكم في زيارة الوزير المفاجأة وقراراته

[أسيل رزق]

أولاً : بما إنى قريبة لموقف الزيارة ده من ناحية المدرسة و من ناحية الوزير فا أحب اقولكم إن دكتور أحمد زكى بدر اللى عمله مش مجرد زيارة و مصالحة مع الاعلام أو الغربال الجديد له شده .. دكتور احمد كان رئيس جامعتى و كنا حاسيين بحزمه و جديته فى الجامعة و يمكن فى موقف بسيط جداً حصل يوم كان جالنا الكلية و بيكلمنا فى الميك و الميك فصل و باظ .. تانى يوم طقم العمال بتاع المدرج ماشفناهمش تانى
تانى حاجة بقى .. ان المدرسة اللى تم فيها الزيارة قريبة من بيتى القديم جمب موقف ميكروباصات بالظبط
و ما شاء الله الطلبة بيتخرجوا من المدرسة تباعيين ميكروباصات و الأوائل بيكونوا سواقيين
مدرسة بشعة فعلاً

أنا لما شفت الفيديو افتكرت فيلم التجربة الدينماركية لما عادل امام دخل مركز الشباب .. و يقول للست انتى مين يا حجة تقوله انا مدربة الكندكنود

حاجة مسخرة بصراحة .. و الناظر اتهزق تهزيق فظيع

العيب الوحيد اللى فى دكتور أحمد هو نفسه الميزة .. الجدية الزيادة

ربنا يستر على الطلبة ..