إلى أمناء المعامل و موجهى المعامل( معامل العلوم )

[mohafarso5000]

انا منذ تعيينى الى الان لم اجد من يعرفنى حقوقى وواجباتى ..اللهم الا من خلال التقليد للاخرين ..فلا يوجد دليل للمعلم يرشده ..بل للمعلم اكتر من ((ريس))كل زائر ومتابع ووكيل وناظر ومدير ..كلهم عملوا نفسهم حاكم والمدرسين هم الرعيه ..علينا السمع لكل واحد منهم ولااحد يسمع منهم الينا ((حتى المناهج الجديده اللى طوروها)طلعنا فيها اخطاء بالجمله ولما اخبرنا الموجه ..قال بالحرف ((طب وانا حاعمل ايه يعنى ..))يعنى المدرس لما يلاقى حاجه غلط فى كتاب الوزاره لايعترض ولايعرف طريق لتوصيل رأيه ونقاشه فيه .............المهم...........بالنسبه للمعمل انا دلوقتى صاحب عهده معمل علوم ومضيت على كده وجدولى لم يتغير ..مش مشكله ..لكن السؤال هل يصح اسناد اشراف فى المدرسه ايا كان نوعه . مع ثبات حصص الامن كذلك ...مع العلم انه لما بيجى زائر ويمر على المعمل ولو وجده مقفول بتبئى مصيبة اللى ماسكه سوده ويتحول تحقيق زى ما حصل معايا فعلا ... المهم .. ان المدرس يشتغل صاحب عهده ومشرف وويحضر امتحانات العملى ويصحح الكتب والكراسات ويفبرك التقويم الشامل وبعدين يبئى يفكر يكون مدرس ..ده طبعا غير الاعلام اللى مسح بينا الارض من ايام فؤاد المهندس ما كان بيمثل دور المدرس وعادل امام اللى رقص المدرس وخلاه عريان على خشبة المسرح .....نرجو منكم رجاء حار ان تساعدنا للخروج من هذه الغابه التى ضاعت فيها الحقوق ولم تعرف الواجبات ..لاننى شخصيا اوشكت على الاكتئاب واليأس من كل شئ فى النظام التعليمى

[mojahidxp]

الا يوجد بالمدرسة مشرف نشاط او مشرفة نشاط ؟؟؟
لو فى مشرف نشاط - يستلم عهدة المعمل ولا حرج فى ذلك لانه سوف يكون متفرغ فقط للمعمل وسوف يقوم بدور امين المعمل قدر استطاعتة
اما اذا كان لايوجد مشرف نشاط بالمدرسة فلا خوف من استلام العهدة وسوف يراعى الموجه ظروفك فلا تخافى --- ورحم الله امناء والمعامل الذين همشتهم الوزارة وهاهم فى طريقهم للانقراض