الي عاوز يراجع بجد يدخل

[khaled Ti]

المشاركة الأصلية كتبت بواسطة Eslam 2050

ممكن توضح اكتر مش فاهم الجمل قصد بيها ايه
يريت توضح اكتر................................؟

بص انا اسف اني اكون لخبطك.

من الاخر :
زي ما انت قلت في الاول
(1)في جمل متنفعش النكرة فيها بعد اسم التفضيل الا مضاف اليه.زي هذا الرجل افضل رجل . ايمان العلماء افضل ايمان. وهكذا و متنفعش تبقي النكرة دي تمييز لان التمييز لازم يكون محول عن ( مبتدأ-فاعل - مفعول .تقريبا) وهاوضحلك محول دي دلوقت .


(2) في جمل ماتنفعش النكرة فيها بعد اسم التفضيل تبقي ألا تمييز زي مثلا : انا أكثر مالا .لان التميييز يزيل غموض .وهو محول هنا عن مبتد أ بمعني انك لو جبت كلمة التمييز دي - اللي هنا (مالا) - لو جبتها مبتدأ قبل الضمير انا وحولت الضمير ل ضمير يدي معناه زي ياء امتكلم فتكون الجملة مالي أكثر من مالك (مثلا) تدي معني فبكدة تزيل غموض لو جت تمييز وبكدة يبقي التمييز محول عن مبتدأ . ولو حاولت تطبق دة عالجمله الاولي ( الرجل افضل رجل ) لو عايز تشوف هي تمييز ولا لأ هاتيجي تحط رجل في الأول مش هاتدي معنا.


(3) في جمل ينفع النكرة فيها بعد اسم التفضيل تكون تمييز أو مضاف الية مع اختلاف في المعني لكن بالنسبة لينا كطلاب لو جت جملة ينفع الاعرابين لازم يشكل الكلمة .ولو مشكلش ناخد بالشائع
مثل : والباقيات الصالحات خير عند ربك ثواب(ا)
.فلو اعربتها تمييز (ولو طبقت اللي انا قولته جبت ثواب في الأول قبل الباقيات هاتبقي الجملة _ثواب الباقيات الصالحات خير من اي ثواب - بكدة تدي معنا فتبقي التمييز محول عن مبتدأ ) بكدة المعني يكون ان الثواب بتاع الأعمال الصالحة الباقية هو خير ثواب . وهذا هو المعني الذي-والله أعلم- أراد الله عز وجل ان يوصله لنا .
أما لو قلت انها مضاف اليه .هيختلف المعني .وهنا يمكن يكون المعني بعيد شوية
بس هاتدي معني ان الأعمال الصالحة هي الثواب نفسه (فمثلا ثواب ربنا علي عبده ان يجعله يعمل عملا صالحا)
هو المعني بعيد شوية بس معطي معنا والشائع ان اعرابها يبقي تمييز لكن يختلف معني الجملة لو اعربناها تمييز. عن لو اعربناها مضاف اليه.

أنا عارف ان انا طولت في الشرح بس دة عشان أوضح الفكرة فقط لا غير وعشان مكونش لخبط الناس بلا قصد
بعد كل دة الفرق في السياق فبعد أن تفهم الجملة ممكن تجاوبها بأي اعراب مناسب
هذا والله أعلم