عيادة الاسنان اى حد عنده استفسار يدخل هنا

[dodo1010]

انا عندى مشكلة مضيقانى جدا وذهبت الى اكثرمن دكتور ولم اجد نتيجة وهى اننى اعانى من كثرة اللعاب بالفم
فبعض الدكاترة قاموا بازالة الجير ولم يتغير الموضوع
علما باننى ادوم على استخدام الفرشاة والمعجون
فارجو ان تجد لى حل يادكتور........شكرا

[Doctor S.E]

السلام عليكم و رحمه الله و بركاته
اولا شكرا يا دكتور على العياده الرائعه دي
ثانيا .... انا كنت مركبه تقويم عشان النابين عندي كانوا بارزين عن بقيه الاسنان شويه و بعد سنه فكيته و ركبت التثبيت ده حوالي 5 - 6 شهور كده و شلته
بس السؤال دلوقتي اثار التقويم باينه في اسناني كأنها عامله بقع و مضيقاني اعمل فيها ايه ؟
و كمان هل ممكن النابين يرجعوا تاني مع مرور الزمن و لا ايه لحسن ساعات بحس انهم طلعوا عن اول ما فكيته ؟؟؟
و شكرا لحضرتك مرة تانيه

[دكتور سامح]

السلام عليكم

انا يا دكتور عندى السنتين الاماميتين العلويتين اطول من اللى جنبهم خصوصا انا شفتى لعليا مقوسه لاعلى و ده بيخلى سنانى شكلها مش كويس و تاعبنى نفسيا و دايما بخفى ابتسامتى و ماث عليا فى حياتى العمليه

عشان كده قررت اعمل برد للسنتين دول بس كنت عاوز اسال حضرتك ع حاجا معينه

1-تكاليف لبرد للستنين فى مصر (فى حدود من كام لكام)
مع العلم انهم سنتين الامامتين العلوينين بس .. مش كل الاسنان
2-هل تحتاج بنج..
3-هل لها مضاعافات فى المستقبل
4-هل للعمليه سن معين

وشكرا و انا مستنى ردك على نار

[قناوية]

أرجو معرفه اخر سن يتم فيه تبديل الاسنان البنية بالدائمه حيث أن أبنى عمره 9 سنوات ولم يبدل سوى سنه واحده فقط كما أن أسنانه الأماميه تبدو صغيره الحجم جداً فبماذا تنصحنى

[eleslam77]

بسم الله الرحم الرحيم
انا عندى السنتين الاماميتين من الفك العلوى واحدة مكسورة والتانية سليمة موعوجين حبه
المشكلة انى مبعرفش اشرب بيبسى خاصة " ميرندا تفاح " اول ما الميرندا تلمس السنة تكهربنى كهربه فظيعة
يا رب الاقى الحل عندكم

[alea2009]

السلام عليكم ورحمة الله وبركاته...
ايه علاج نزول الدم من الاسنان بصورة مستمرة
وهل له علاقة بنوعية التغذية؟

[مونى333]

بسم الله الرحمن الرحيم

انا يا دكتور وانا عندى حوالى 10 سينين اتكسر درسى <_<و طبعا روحت لدكتور و موت العصب بتاع الدرس وبعدين حشهولى حشو مؤقت وكان المفروض اكمل واعمل طربوش بس انا كسيلت وعيشت بيه كدة لحد الان وانا عندى 16 سنة و فى خلال الاسبوع الى فات شعرت بصداع شديد ولم اكن اعرف مصدر وبعدين ذهبت الى دكتور فقالى ان الحشو واقع وشاله و عملت اشعة وقالى ان فية خراج تحته واعطانى مضاد حيوى اسمه هاى بيوتك وانا باخدة الان بس ايه الحل بعد كدة !!!!
هل احشيه واعمل طربوش ؟ وله لازم يتشال ولو اتشال الدرس لازم اركب درس وله ممكن اعيش بيه كدة ؟؟؟ لانى مش باكل على الدرس دة من يوم ماتكسر وارجو الرد سريعاااااااااااااااااااااااا


وعندى سؤال تانى هل الخراج الى دحت الدرس يعملى صعوبة وضيق فى التنفس ؟؟؟؟؟؟؟؟؟؟؟؟

وشكرااااااااااااااااا لحضرتكم جداااااااااا واسف للاطالة

[شريف حسن .]

زوجتى حامل وعندها الم فى اللثة كلما تأكل اى شى لوجود بقايا اكل مما يجعلها تحاول تنظيفها ولكن يصاحبها الم شديد ارجو الافاده

[MUSTAFAEGYPT]

هل يجوز المضمضة بماء الاكسيجين

[العمل سبب الامل]

انا عندى سؤال مهم
انا كان عندى سنة لبنية و السنة و كانت بتتفتت من جوة يعنى المنظر مكاااان ظاهر
رحت احشيها الدكتور قال مينفعش مع العلم انىبرغم داخلة فى 17 سنة الا انى عملت اشاعة بتبين ان السنة ملهاش جذر يعنى مش هيطلع بدالها
الدكتور خلعها و قلت و المنظر قاللى متقلقيش السنان بيتغير مكانها لحد 18 سنة
قلت له يعنى ايه قاللى ان فيه سنان فى الجنب الشمال راكبة على بعضها و مكان الفراغ ده هتتسوى اسنانك لان تكوين المينا لم يكتمل او حجة زى كده بس هياخد وقت حوالى 6شهور
يا ترى كلام الدكتور صح و لا ايه؟ و جزاكم الله خيرا

[يارب أنجح يارب]

أنا أنجبت ..لكن أثناء الحمل وبعد الولادة مأخدتش كالسيوم خااالص ...
وده لإن الكالسيوم بيذود ضربات القلب عندى وبيحسسنى بدوخه ...فكنت فى فترة الحمل مكتفيه بقرص واحد
فيرو كال يوميا ...
لكن دلوقت بعانى من ضعف شديد فى ألأسنان وألم يصاحب أكل الحلو ...وكمان مبقدرش أكل خالص على الجنب الشمال للسنان ..
فياريت ألاقى حل ..وجزاكم الله خيرا

[اشرف البيه]

جزاك الله خيرا على مجهودك

[د محمد السيد صالح]

المشاركة الأصلية كتبت بواسطة زائر غير مسجل

اثناء الطعام عضضت لسانى وبعد حوالى اسبوع رايت جزء كبير اسفل اللسان به كمبة كبيرة من الدم الفاسد تقريبا بطول اللسان الجهة اليمنى انزعجت جدا ولما كنت دائما اتصرف بنفسى فى حالة وجود اى دم فاسد فى اصابع اليد او القدم نتجية ضربة مفاجئة او خبطة غير مقصودة كنت افتح جزء من الاصبح لتصريف الدم الفاسد وقمت بنفس العمل تقريبا وضغطت على جانى اللسان الايمن وبالفعل تسرب كمية كبيرة من الدم الفاسد وكان الام بسيط ولكن بعد ايام عدة زاد الالم بشدة واصبحت عاجز عن النطق بالكلام الا همسا وعند تحريك اللسان احس بالم شديد وكذلك صاحب الالم صعوبة فى البلع وسالت الاطباء احدهم قال انه ليس هناك علاج ويندمل الجرح تلقائيا بعد عدة ايام ومضى اكثر من اسبوع الان ارشدنى الى عمل الصواب جزاك الله كل خير على فكرة ان مريض بالسكر ولكنى احافظ على معدل السكر بالقياس كل فترة وبتنظيم الطعام ومعدل السكر صايم 148 والمعدل بعد الاكل 164

هو فعلا هيصحى لوحده ومانه صحى لكن الغرض من العياده افاده الاخرين ايضا واسف لانشغالى

ممكن بس تاخد oracure ده جل ممكن يخدر او يسكن اللسان لحد ما يصحى وهيزود من شفاءه ان شاء الله

والشفاء بيد الله

الف سلامه عليك

[د محمد السيد صالح]

المشاركة الأصلية كتبت بواسطة dodo1010

انا عندى مشكلة مضيقانى جدا وذهبت الى اكثرمن دكتور ولم اجد نتيجة وهى اننى اعانى من كثرة اللعاب بالفم
فبعض الدكاترة قاموا بازالة الجير ولم يتغير الموضوع
علما باننى ادوم على استخدام الفرشاة والمعجون
فارجو ان تجد لى حل يادكتور........شكرا

اللعاب ممكن يكون من اسباب كتيره وهو مش من الجير
انصحك بالذهاب الى جامعه وليس طبيب يعنى استاذ دكتور

روحى الى اقرب جامعه ليكى

[د محمد السيد صالح]

المشاركة الأصلية كتبت بواسطة doctor s.e

السلام عليكم و رحمه الله و بركاته
اولا شكرا يا دكتور على العياده الرائعه دي
ثانيا .... انا كنت مركبه تقويم عشان النابين عندي كانوا بارزين عن بقيه الاسنان شويه و بعد سنه فكيته و ركبت التثبيت ده حوالي 5 - 6 شهور كده و شلته
بس السؤال دلوقتي اثار التقويم باينه في اسناني كأنها عامله بقع و مضيقاني اعمل فيها ايه ؟
و كمان هل ممكن النابين يرجعوا تاني مع مرور الزمن و لا ايه لحسن ساعات بحس انهم طلعوا عن اول ما فكيته ؟؟؟
و شكرا لحضرتك مرة تانيه

بالنسبه للبقع ده من الدكتور ودى غلطه منه روحى له تانى وهو يعالجهم

النابين طبعا ممكن يرجعوا لو النابين مش معمولين بشكل سليم يعنى يبرجع للدكتور اللى عامله