زملكاوي

[Bent 3bdo]

أنا زمــلـــكــاويــــه

ف جميع الحالات كسبنا خسرنا

شجعته ليه م الاول حكايه طويله اوي
انا عامه مجنونه كورة م زمان اصلا
و انا صغيرة كنت مش زي الاطفال العاديه تسأليهم نفسك تطلعى ايه لما تكبري تقولك مدرسه دكتورة مهندسه
لحد 3 او4 ابتدائى كده كنت بقولهم نفسى اطلع لاعيبه كورة
و كنت بلعب مع بابا واصحابه كورة و اخر عبط ياعنى
كان كابتن رابح ده فتى أحلامي
و كل اللى يحب يغظني يقعد يغلط فيه
وكنت متعصبه جدا ليه وماكنش ينفع حد يقولي لا كابتن ماجد ولا اي حد هو رابح وبس
كان ف كارتون كورة كان كابتن ثابت تقريبا وكانت الحلقه اخيرة بقى و الفاينال وبتاع و ثايت ده اتصاب ف الماتش وربط راسه وكمل الماتش مصاب وجاب جول ف اخواتى وبابا قعدوا يغظونى ويقولولى شوفتى ال كابتن رابح ال و كلام ده
مكملتش الحلقه و دخلت الاوضه التانيه اعيط
كل اللى كنت فيه ده اصلا ومكنتش كملت كابتن رابح لأخره اصلا بس اهو هبل وخلاص
فضلت فترة كبيرة مخلصه ليه بقى ونسيت الكورة شويه
و كنت بكره الكورة الحقيقه
علشان لما بيبقى ف ماتش مبعرفش اتفرج ع التلفزيون
و بابا يقعد يشوف اخبار الزمالك ع النت وانا ابقى عايزة اقعد ومش نافع
كنت بكره مواقع الزمالك دي كره
حاليا مابقتش اقوم م عليها اصلا وبابا مبيخشش عليها خالص سبحان الله
و استوليت بقى ع الاكونتات بتاعته وبتاع
و بعد كده حصلت طفرة كبيرة ف حياتي
و بقيت اشجع الزمالك
علشان بابا حبيب قلبي زملكاوى و الزمالك بقى ابتدى يتغلب و الناس تشمت فيه واانا اكيد ماكنش ينفع اسكت ع المهزله دي فكنت بتخانق مع الاهلاويه نيابه عن بابا بقى مع انى ماكنتش اعرف اى حاجه اصلا لا عن الاهلى و لا الزمالك بس كله الا بابا
ومع ان بابا مش متعصب خالص خالص
بس انا طلعت متعصبه جدا
الاول كنت بدعي يكسب بس م غير ماتفرج ولا حاجه
و بعد كده بقيت اتفرج ع الماتشات
وبعد كده دخلت ف الغويط وبقيت اتابع اخباره بغباء و بقى ادمان
ووصلت للحاله اللى انتى شيفاها دي

اصلا بجد لما بفكر حياتى كانت هتبقى ممله اوى م غير الزمالك
ده انا مش عارفه هاعيش ال شهرين ونص الجاين ازاى م غير الزمالك
........
مش عارفه ايه الرغى ده كله
بس اصل ف ماده ملهاش اى 30 لازمه خنقانى و مطلعه عينى
وكان لازم اغير جو بأي طريقه

......
ثانكس ع التوبيك