مسألة فى الرياضيات(أرشيف تجميعى )

[Beta Traceur]

السلام عليكم

اولا احب اقول للكل ( قل لن يصيبنا الا ما كتبه الله لنا )

الامتحان خلص والموضوع انتهى

احب اعرفكم انى مترقب انى حشيل الماده مش كمان اجيب مجموع وحش بس دى اراده ربنا

احب اوصل معلومه للطلبه الحلوين الى مقطعين الكتب وجيين يتنططوا علينا

اعمل حسابك يا عم الحج ان مش كل الى دخل علمى فتك فى الرياضه او بيحبها اصلا

انا مطور مواقع ومهندس سيرفرات قولت اخش علمى يمكن ربنا يكتبهالى وادخل حسابات ومعلومات لكن طبعا بعد الى شوفته معتقدش

كمان معظم الناس كانت راميه حملها على الكيمياء وكانوا خايفين منها فكانت بتاخد اغلب الوقت

حاجه كمان مش معنى انك حليت تمام وزى الفل يبقوا الباقين فاشلين التعليم المصرى لا يقاس بيه مستوى ابدا

سعاده حضره اللواء وزير التعليم قصدى وزير التعليم الى واحد بيقول انه طالع بامتياز من هندسه حقوله احمد زويل لما اختبر
فى اميريكا علشان ياخد معادله لشهاده العلوم بتاعته طلع بمقبول بالصلا على النبى

خطط الوزير بلا ادنى شك انه يقول للى عايز يتعلم اتعلم بفلوسك تنشيط للجامعات الخاصه

الامتحان مقدرش اقول انه صعب بس ميجيش الوزير يتحدنا والى حيجيب 80 فى الميه ححيه فى بيته وعايز العامل النفسى عندنا يبقى سليم

كمان نراعى ان فى اهالى بيدفعوا فلوس بتبدى من 6 الاف فى السنه وبتوصل ل 20 الف املا فى ابنائهم لكن تعليم ايه الى يضرب الجزم ده

احب اقول اخر مره الى امتحن امتحن والى حل حل والى محلش محلش والحمد لله على كل حال وربنا بينصر المظلوم مهما حصل واعرف ان ربنا مش حيخذلك

احب اقول رساله اخيره للطلاب الحلوين الى اكلوا الورق من كتر الحل

كلامك الى بتقوله ده مش اكتر من انه بيدمر اعصاب الناس التانيه حتى لو الامتحان سهل وواحد محلش كويس وانت بتقوله سهل انت بتدمره عصبيا

ياريت نراعى بعض لان لو منهجنا بيتقاس بالكفائه و التميز والموهبه لو جيبتلى احسن واحد فى الكمبيوتر فى مصر حخليه يعرف انه لا شئ بس ربنا على المفترى

ويلا متزعلوش خيرها فى غيرها