مسألة فى الرياضيات(أرشيف تجميعى )

[لؤي وائل الخطيب]

المشاركة الأصلية كتبت بواسطة profvip

بص أولا أنا أكبر منك ببتاع ست سنوات تقريبا
لأنى فى بكاليروس هندسه حاليا
و لو كنت مش فاهم الكلام فديه مصيبه و انا ممكن افهمهولك واحده واحده
انت بتقول خالف تعرف
طيب هل ده مشكله او مصيبه انك تخالف عشان تتعرف و تبقى مشهور مثلا !!؟
تعالى نأخد مثال
الكليبات دلوقت كلها هز وسط و عرى و خلاعه و قله ادب
و الحكومه موافقه على كده و الناس بيس يا مان عايشين اخر حلاوه
لو جه محامى محترم و رفع قضيه ضد مطربه و قال لأ ده مينفعهش - ديه قله أدب و لازم يكون لينا موقف

هل حتقوله خالف تعرف !!!
==================================
أما بقى لنقطه الامتحان الصعب والسهل
واضح انك مقريتش البوستين السابقين فى الرد على احد الطلبه هنا
المشكله هى التمييز بين الطلبه
مش المشكله انى كطالب متفوق مثلا اجيب 49 و نص أو أجيب خمسين
لو افترضنا ان الامتحاناتدايما بتيجى سهله لوووز جدا و افترضنا برضه ان كل الطلبه الشاطر و اللى مششاطر
اللى بيحب رياضه و اللى بيكرهها و اللى اصلا مش فاهمها عشان خاطر الامتحان سهل كل دولجابوا خمسين
لأ و كمان كل المواد سهله جدا جدا و كلهم بقوا اوائل
و افتراض ساعتها كلهم دخلوا كليه هندسه
هنا بقى حيتحول الواقع لواقع مر أمر مما عليه الان مجموعه من المهندسين مش فاهمين رياضه و لا بيحبوها اصلا
كارهين اللى بياخدوه ناقمين على المجتمع و مهنه الهندسه
المهندس المعمارى الفاشل يبنى عماره تقع فوق دماغ الناس
مهندس المدنى الفاشل مشحيعرف يصمم كوبرى ولايعمل ديزاين لمشروع تنموى
مهندس الاليكترونيات مشحيعرف يعمل تصميم لأى بورده أو دائره متكامله أو اى تطوير فى مجال البحث
يبقى بالتالى المنظومه بالكامل فشلت
=============================
حته بقى انك تصقف و انت مش فاهم
ديه محدش حيلومك عليها غير نفسك

قال رسول الله صلى الله عليه و سلم
لا تكونوا إمعه تقولون : إن أحسن الناس أحسنا و إن ظلموا ظلمنا و لكن وطنوا
أنفسكم إن أحسن الناس أن تحسنوا و إن أساءوا فلا تظلموا

بمعنى اخر متبقاش تابع اى حد يعمل اى حاجه تقلده و تصقفله - لأ إقهم اللى بيتقال و ناقش بموضوعيه و منطقيه
أنا صراحه فى ردودك لم أجد أى موضوعيه - كل كلامك كلام أمثال و شعارات و استهزاء ( خالف تعرف ) - ( اىكلام عشان الناس تصقف ) لم أجد أى نقاش موضوعى ولا أى رد على مداخلاتى
بمعنى أخر لم يفند أحد مثلا ما قلته بأنه لابد من أن يكون هناك تمييز بين الطلبه لأن هذا ما يحتاجه سوق العمل !!

عموما أنا ببارك برضه للمره الخامسه على سهوله الامتحان ( عشان متقولش انى بحقد على حد أهو

و ربنا معاكم بكره برضه

طيب ولما انت كبير إيه اللي جايبك هنا !! ؟


اما عن خالف تعرف فديه بتتقال في حالة للأسف انت مش فاهمها وهي للسخرية
المثل اللي انت بتقوله إيجابي لكن اللي اقصده والموطن اللي بتتقال فيه الكلمة ديه هو ان كل الناس ماشية يمين الامتحان سهل , وهو مبسوط اوي بكده لكن يجي يقولك شمال ..

بس المشكلة مش منه المشكلة من الإعلام لأن أي حاجة ولو كانت إيجابية بنطلع سلبياتها لإن بقى في ناس فاضية ..

والفاضي يعمل ايه ؟

حته بقى انك تصقف و انت مش فاهم
ديه محدش حيلومك عليها غير نفسك

قال رسول الله صلى الله عليه و سلم
لا تكونوا إمعه تقولون : إن أحسن الناس أحسنا و إن ظلموا ظلمنا و لكن وطنوا
أنفسكم إن أحسن الناس أن تحسنوا و إن أساءوا فلا تظلموا

اعتقد ان ده كان اللي انا بقوله !!

أما عن حتة كل الامتحانات سهله طيب ماامتحانات السنة اللي فاتت واللي قبلها ومعظم السنين السابقة كانت سهله طبعاً مش سهله 100 %

لكن الحقيقة مشفناش ان كل الدفعة مهندسين .. !

وبعدين انا من رأيي كل واحد يخليه في حاله ويحل الامتحان ويهتم بنفسه وبدراسته مش يقعد يقول كل البلد مهندسين فشلة خلاص خليك انت المهندس الوحيد الناجح والباقي هيفشل لوحده ..

اشكرك واسف للإطاله
السلام عليكم