"تنسيق الثانوية العامة" ( استفسارات تم الاجابة عليها ) (موضوع تجميعى )

[F!GoOo]

المشاركة الأصلية كتبت بواسطة mistakable

انا لو مكانك اكمل علمى رياضة واذاكر جامد وان شاء الله حتلحق هندسة لان المجاميع بتاعت تانية السنة دى مش حلوة وحتى لو ملحقتش هندسة ان شاء الله حتلحق حاسبات ومعلومات ودى متقلش عن هندسة ان مكانتش احسن منها

ونصيحة ركز على الرياضة والفيزياء جامد من شهر 8 الجاى عشان توفر وقت لباقى المواد وخد اقتصاد واحصاء لو عايز توفر وقت اكبر لباقى المواد

وبالنسبة للرياضة لذيذة جدا بس مختلفة عن رياضة 1 واكيد نسبة التفكير فيها اعلى بكتير وحتحتاج تحل دليل التقويم وكتاب المدرسة اساسى جنب كتاب لامى ( يعتبر اقوى كتاب فى رياضة 2 ) و لو المدرس حاول يخليك تهتم بالكتب الخارجية بس متطاوعوش عشان فية مدرسين ضعاف جدا فى رياضة 2 ومبيعرفوش يحلو كتاب المدرسة
ولو عايز تاخد فكرة عن الرياضة لوحدك من غير مدرس ابدأ بالميكانيكا حتلاقيها لذيذة قوى وحتحبها

اما بالنسبة للفيزياء حتلاقيها من اجمل المواد ومذاكرتها متعة بس لازم تركز جامد على اول كل باب والا حيضيع منك الباب كلة ومتخليش حد يضحك عليك ويقولك ارشميدس ولا الكهربية صعبة عشان اللى بيقول كدة بيبقا محلش كتير عليهم
وناس قعدت تقول الفيزياء صعبة وانا كنت بقولهم اذاى دى سهلة بعد ما خلصت المنهج عرفت ان صعوبة الفيزياء فى انك تلمها لانها كبيرة جدا وحتلاقى تعريفات كتير واثباتات وتجارب وحاجات ممكن تنساها بسهولة لو سيبتها واستهترت بيها

عشان كدة لازم الفيزياء تتراجع اول باول وكل متخلص باب ترجع تحل على كل الابواب اللى خلصتها وتحفظ الحاجات اللى حتكون نسيتها
وحاول تسبق المدرس بتاعك فى المنهج لو قدرت بس اوعى تخلى اى مادة تاخد وقت مادة تانية

وان شاء الله مش حيضيع تعبك وحتدخل الكلية اللى فيها الخير لدينك ودنيتك

ولو فى اى حاجة عايز تسئل عليها انا تحت امرك ومعليش انا طولت عليك وبالتوفيق ان شاء الله

طيب انا جايب 87 % بنفع اكمل علمي رياضة

[Mistakable]

المشاركة الأصلية كتبت بواسطة f!gooo

طيب انا جايب 87 % بنفع اكمل علمي رياضة

احسن حاجة بالنسبة لك علمى رياضة واعمل اللى عليك وخلى عندك ثقة ان ربنا دايما بيختارلك حاجة احسن من اللى انت ممكن تختارها طالما انت تعبت وعملت اللى عليك

المشاركة الأصلية كتبت بواسطة soul333

انا من رأيي متحولش رياضة وكمل و ادخل كليةعلوم........بجد دى كلية جميلة...ممكن تطلع دكتور تحاليل

انا مش معاك لان كدة كدة حيقدر يدخل علوم من علمى رياضة ولو محولش وكمل علمى علوم معتقدش انه حيلحق حاجة غير علوم انما لو كمل علمى رياضة فية فرصة كبيرة فى هندسة او حاسبات ومعلومات وفى الاخر برضو عنده علوم ممكن يدخلها لو حب وبرضو لية انه يدخل القسم اللى يخلية يطلع دكتور تحاليل من علمى رياضة مش لازم علمى علوم زى ما ناس كتير فاكرة

المشاركة الأصلية كتبت بواسطة ميدو مواسم

يا جماعة احييكم من (( سنة الفراغ )) ودى حبة معلومات بخصوص الموضوع تبعث التفاؤل على النفوس دا لو لسه يا كبدى فى نفوس ....

اولا منع العلمى رياضة او علوم اخذ مستوى جغرافيا (( تافهة صيص)) بل ياخذ (( e..او احياء ...او رياضة ...او الخ))ودى حاجات جامد فش..اقصد فحت

ثانيا والاهم منع تحويل من مستوى لمستوى (( يعنى اللى انت طرشطه فى استمارات ثانية ثانوى معاك فى تالته يا برنس او يا برنسيسه))

ثالثا سمعت انه منع التحويل من علمى لادبى ...ودى بقى ياريت تسألوا فيها حد



ده طبعا فى جزء متأكد منه وهو الجزء الخاص بالمستوى لان كان فى ناس عايشة على زمن السبهللة الجميل وفاكرين ان يوم الامتحان الصبح ممكن يحولوا ...وخدوا...((تيت))....كبير


اما الباقى ياحضرات نسأل فيه ..اوك؟....

peace

على فكرة التحويل من علمى لــ ادبى او العكس تقريبا اتلغى بس التحويل بين علمى رياضة وعلمى علوم موجود وانا متأكد من الكلام دة لانى لسة محول فى اخر السنة بعد ما الوزير الجديد مسك ونزل قرار منع التحويل من علمى لــ ادبى والعكس

وبالنسبة للمستوى عندك حق دة اللى حصل فعلا ومبقاش فية حكايت انك تروح اللجنة بتاعت المستوى الرفيع وتمتحن لازم تكون كاتبها فى الاستمارة

وان شاء الله خير