سؤال عن المرتب لمتعاقدى الازهر

[mr_mhmd83]

السلام عليكم ورحمة الله وبركاته
بالنسبة للسادة المدرسين المتعاقدين بالازهر
احنا من شهر 7 / 2009 بيحسبوا العلاوات علي اساس مربوط الدرجه وده مبلغ ثابت حوالي 48 جنيه - انما قبل كده كانوا بيحسبوا العلاوات علي اساس الاجر الاساسي في المرتب الي هو حاليا حوالي 180 جنيه - عشان كده المرتب كان فيه زياده وفجاءة المرتب بدل ما يزيد زي كل العاملين في الدولة نقص من عام 2009
والسنه دي العلاوة بردو بيحسبوها علي مربوط الدرجه مع العلم ان جميع العاملين في الدوله - حتي اصحاب المعاشات - تحسب علاوتهم من الاجر الاساسي ومتعاقدين التربية والتعليم ايضا يحسب العلاوة ليهم علي الاجر الاساسي الا متعاقدين الازهر
مرتب اي زميل لينا في التربية والتعليم قبل زيادة شهر 7 كان 388 جنيه
وبعد الزياده في شهر 7 تعدي ال 400 جنيه
بينما احنا متعاقدين الازهر المرتب كان قبل 7 حوالي 310
وبعد الزياده من بالحوافز الجديده حوالي 325
ده كله بسبب حساب العلاوة لينا علي اساس مربوط الدرجه الي اتلغي من سنين وهو 48 جنيه وليس الاساسي
ومرتب شهر 7 / 2010 حوالي 277 جنيه لانه بدون حوافز - لان تم صرفها مع مرتب شهر 6
وفي بعض المناطق الازهرية بيقبضوا ااقل من كده لانهم بيخصموا منهم حوالي 60 جنيه علي اساس تحصيل الي تم قبضهم بالخطأ بأثر رجعي
عايزين نجمع بعض من كل محافظات مصر متعاقدين الازهر 2005 / 2006 / 2007 / 2008
لان ده اكبر ظلم لينا مفيش اي موظف في الدوله يتم حساب العلاوات ليه علي مروبط درجه
ولكن يتم حسابها علي الاساسي نرجو فقط المعامله بالمثل
محمدالنمر - منطقة البحيرة