هل تتزوج فتاة مغتصبة ؟؟!!

[a7mad 3abdo]

صعب الاجابة عن هذا السؤال ,
لأن الجواب سيخضع لكثير من العوامل
بس انا ممكن افكر معاك بصوت عالي .. انا لحاد دلوقتي مش عارف الاجابة نعم ام لا



اولا : ليس للفتاه اي ذنب , اذ انها ضحية شاب فاسد , او مجتمع منحل بأسره



ثانيا : ممكن تكون هي مش لابسه كويس " مش محتشمه " , وبالتالي اوقعت نفسها في هذه الورطة
بس برده انا شايف انها حتي لو ماكانتش لابسه كويس ,مش هيكون لها ذنب في هذه الجريمة
مش مبرر يعني لو انا ماشي في الشارع , ولقيت واحده مش محتشمه اني افكر اعمل حاجة زي كدا

ومش لازم نرمي الحمل كله علي البنت , طيب الشاب اللي عمل كدا غلطان
ليه ما غضش البصر ؟! , ليه مفكرش في اللي هو بيعمله دا صح ولا غلط ؟ فين اهل الشاب دا عشان يلموه ؟!
فين الرجاله اللي بتشوف الحاجات دي و تسكت عليها ؟! يمكن مفيش حد في الشارع .
وبعدين الموضوع كله في يد الشاب , مش الفتاه
الشاب لازم يجسد هذه الفتاه في صورة اخته او أمه ..
هتقوللي : يمكن يكون الشاب دا متعاطي حاجه
هقولك : دا موضوع تاني و عايز حكايه تانية بالتفصيل .. لان المخدرات دي هم تاني !!



وممكن تكون البنت ماشيه محتشمة , بس لا راد لقضاء الله !
ثالثا : ايه اللي خلي البنت دي تقوللي انها مغتصبه من قبل ؟ ممكن يكون في اجابات كتيرة

اجابة رقم 1 : محبتش تبدأ حياه جديده بكدبة زي دي

رقم 2 : خافت لتتكشف بعد الجواز , فقالت خسارة قريبه ولا مكسب بعيد

رقم 3 : افتكرت ان المتقدم لها بيحبها , بالتالي ممكن يسامحها - مع ان ملهاش ذنب -

رقم 4 : ممكن تكون وقعت في هذه الجريمه بمزاجها بس عايزه تشتغلني عشان تصعب عليا

لو كانت الاجابة رقم 4 : يبقي انا لازم اختبرها ..
اخلاقها .. سمعتها : في المجتمع - المدرسه - الجامعة - الشغل
ومفيش حاجه بتستخبي , انت في مصر , والناس مبتصدق جنازة وتشبع فيها لطم
وبالتالي انت هتعرف هي بتمثل ولا لأ



رابعا : لازم تفكر .. مع هذا التقدم العلمي العظيم في مجال الطب , لم لم تلجأ لاحدي الحيل لتخدعك بها ؟؟
اجابه رقم 1 : لانها مش كدابه
رقم 2 : عايزه تعملهم عليك , وتلبسك العمه ( يبقي في الحاله دي لازم تختبرها برده )



خامس حاجه : افكر من الناحيه الدينيه
طالما هي متدينه , يبقي لي هتعمل حاجه زي دي بمزاجها ؟
هتقوللي عرفت منين انها متدينه ؟ هقولك سألت عليها في كل مكان و في كل حته
الرسول صلي الله عليه وسلم اوصانا بان نلتمس سبعين عذرا
مع ان عذر واحد لو انت التمسته هيكفيك ..
بعد كل دا .. انا سردت كل الحاجات اللي متوقعه انها تكون حصلت






الخلاصه : اسأل عليها , لو لقيتها علي خلق , متدينه , محبوبه بين الناس
يبقي دي متتعوضش , عارف ليه ؟
ضيف اللصفات اللي فوق دي : الصراحه
وتأكد ان هي طالما لم مش عايزه تبدأ الحياه معك بكذبه , فستكون ملكا لك طول حياتك
يبقي الاجابه في الحاله دي نعم .

سؤال مهم جدا , شكرا لك ...