قدمت تظلم واية الحصل احكى معانا

[*يارب نور دربي*]

المشاركة الأصلية كتبت بواسطة elham_hamdy

اتمنى لكى التوفيق عزيزتى وصدقينى مش شرط ندخل كلية قمة علشان يكون لنا قيمة بالعكس قيمتك تقدرى تثبيتها فى اى مكان هتكونى فية

اها انا طبعا معاكي ف ان مش شرط لية قمه

بس لما يكون مستواك انك تدخل كليات قمة واكتر كمان لو فيه ومتدخلش اكيد ده بيأثر ع نفسية الواحد


بس الحمد لله ع كل شئ

[elham_hamdy]

انا عارفة ان التاثير النفسى صعب بس لازم نتعلم ان هى دى الدنيا لازم يكون فيها صعوبة وتعب والانسان القوى هو اليتغلب على هذه الصعوبة

[سارةالنودى]

مفيش حاد قال تجربيه مع التظلم كلنا بنواسى فى بعضنا والله المستعان فين اللى راحوا عملوا تظلم او يعرفوا حد عمل تظلم

[elham_hamdy]

عزيزتى سارة البيقول اما سمع من اخر او راح بنفسة وفى كلتا الحالتين

التظلم نتيجتة لن تظهر الان لكن نود ان نعرف هل كانوا محقين فى التظلم

وماذا حدث معهم لعل الاخرين يستفاد؟

[bahaaeldeen]

بجد حاجة تخنق

[asmaa_lola]

انا جبت فى تانية ثانوى 88 وعلمى رياضة ودة مش مستوايا
انا عملت تظلم فى الكيميا والرياضة
روحت ادونى ورقة فاضية وصورة من ورقة اجابتى

الكيميا فى سؤال شرح دورة الاختزال كتباله معادلة وشرح سطرين ونص ولاقيته حاطط خط ومنقصنى نص من درجة ونص
وبرضو السؤال بتاع كيف تحصل على الهيدروجين من احداهما
انا فاعلت الكحول مع الماغنسيوم والمعادلة موزونة والمغنسيوم ثنائى التكافؤ
كانت مكتوبة فى نموذج الاجابة الصوديوم
عليها درجة لاقيته مش مدينى حاجة وعامل عليها غلط
اتصلت قالولى الكيميا سليمة ومزدتيش فيها

بالنسبة للرياضة سؤال المتتابعات كنت ماشية صح بس الارقام جت غلط ف الاخر
لاقيته مديلى درجة من 3
المفروض ليا نص ع الاقل
المهم فيه سؤال بتاع اثبت انها متتابعة هندسية واوجد الناتج
انا عوضت وجبت المجموع كمان طلع نفس الناتج اللى ف كراسة الاجابة بس كتبته كسر 255 على 4 وهو صح
لاقيته مديلى درجة من 3 وعامل على المسالة غلط مش عارفة لية
وبرضو اخر سؤال تفاضل وحساب مثلثات بتاع الرسمة اللى كانت من 3 اعدادى
حلتها صح جدا لنص المسالة وبعد كدة عملت قوانين ومشيت صح بس الناتج غلط
ادانى نص من 3


قالو كمان 3 ايام ولحد دلوقتى لسة محدش رد
انا جبت 88% وبجد حرام لان دة مش مستوايا ياريت حد يقولى موقف التصحيح وبجد مظلومة ومخنوقة اوى

[*يارب نور دربي*]

asmaa ربنا معاكي ابئي بئا عرفينا الجديد أول بأول

[asmaa_lola]

المشاركة الأصلية كتبت بواسطة *يارب نور دربي*

asmaa ربنا معاكي ابئي بئا عرفينا الجديد أول بأول

انا بجد موقفى ضعيف ولا قوى ياريت حد يرد عليا

[radwanco]

يا ريت تسمعوا قصتى للآخر ومتزهقوش...

يا جماعة أنا قدمت تظلم يوم 20/7 فى مادة الكيمياء أنا جايب 49 وخايف يكونوا مش بيهتموا بالدرجات العالية..عموما رحت وشفت ورقتى لقيت معموللى غلط على سؤال التمييز بين هيدروكسيد الصوديوم و ثيوسيانات الأمونيوم..ناقص فيه الدرجة ونص كاملين(ربنا ستر معايا كان زمانى جايب 48.5 لولا أن انا حالل 6 أسئلة وناقص فى سؤال درجة فجبت 49) طبعا الإجابة كانت عن طريق كلوريد حديد 3 هيخلى حاجة بنى محمر وحاجة تانية أحمر دموى لكن مكتوب فى نموذج اجابة الوزارة بعد الاجابة تحت:أى تجربة أخرى صحيحة...
انا كنت عامل تجربة تانية عن طريق كلوريد ألومنيوم بدلا من كلوريد حديد3 بحيث تميز مادة واحدة بس وهى هيدروكسيد الصوديوم هتطلع راسب أبيض جيلاتينى والناحية التانية كتبت لا يتكون راسب أبيض..أنا عارف انها تجربة أقل دقة من الأولى لكنها سليمة بشهادة مدرسين كثير وبشهادة نموذج إجابة الوزارة اللى كاتب أى تجربة أخرى صحيحة.. لكنها اتصححت غلط..فهل ممكن يصححولى الغلطة دى ولا واخدين 102 جنية عشان تجميع الدرجات وبس؟؟؟؟؟؟؟؟
وسؤالى الثانى..متى تظهر النتيجة مع العلم ان انا مقدم يوم 20/7؟؟؟


متشكر قوى لحسن استماعكم والسلام عليكم

[radwanco]

?????????????????????????????????????????????

[elham_hamdy]

ان شاء الله يامصطفى تسمع كل خير وياريت تطمنا