سؤال بسيط وواضح ومحدد

[جارةالوادى]

انا شايفة ان ده موقعنا احنا يعنى احنا المفروض اللى نحس بيه فى الاول من خلال حاجات كتير بقى مصداقية وثقة واسلوب معين يدل على شكلنا الوظيفى المحترم وطبعا لسة موصلناش للمرحلة دى عشان يبقى موقعنا مؤثر لدرجة انه يبقى مرجعية لينا عند الوزارة او الاكاديية او حتى صوتنا عند الحكومة
وعلى فكرة انا عارفة ان حضرتك واقعى زى ماقريت لك تعليق قبل كدة بس هقولك حاجة الواقعية نفسها كانت فى الاول حلم وبعدين بشوية جهد وصبر بقيت كدة زى ماهى واقع وعلى فكرة المسئولين عارفين كل حاجة بس وزيرنا مش واخد باله مننا لان بالنسبة له عنده مشاكل تانية اهم زى الثانوية وتطوير المناهج والفساد احنا هنفكر سيادته اننا موجودين ومن ضمن اهتماماته برضو وزى مابيجى يعاقبنا على تقصيرنا ويفرج علينا الاعلام هنوريه برضو تقصيره فى حقنا ونفرج عليه الاعلام والوقفة المرة دى باذن الله هنعملها ومش هنرجع فى كلامنا