|
||||||
| أرشيف المنتدى هنا نقل الموضوعات المكررة والروابط التى لا تعمل |
| مشاهدة نتائج الإستطلاع: ما هو الحل فى وجهة نظرك لكى تأتى الامتحانات موضوعية | |||
| لا يوجد حل |
   
|
0 | 0% |
| تقديم شكوى من كل عضو الى الوزير |
  
|
4 | 100.00% |
| هذا الموضوع غير مهم |
  
|
0 | 0% |
| إستطلاع متعدد الإختيارات. المصوتون: 4. أنت لم تصوت في هذا الإستطلاع | |||
|
|
أدوات الموضوع | ابحث في الموضوع | انواع عرض الموضوع |
|
|
|
#1
01-08-2010, 11:35 PM
|
|||
|
|||
كل مدرسين الكمبيوتر ارجوكوا انقذونى
بسم الله الرحمن الرحيم
انا بجد محتاجه مساعدتكوا منهج الكمبيوتر بتاع تلته اعدادى بجد صعب انا حاولت اذاكر فيه مش عرفه افهم ولا كلمه بجد محتاسه ومش عرفه هعمل فيه ايه ياريت اى استاذ يقدر ينزل شرح لفصل فصل بجد يبقى جزاه الله خيراااا ياريت تساعدونى |
|
#2
02-08-2010, 01:59 AM
|
|||
|
|||
بصي يا صفاء أول حاجه تعريف نظام المعلومات يعني أيه كلمة نظام يا ستي نظام يعني مجموعة أشياء تكمل بعضها فنظام المعلومات هو عباره عن تكنو لوجيا يعني أيه تكنولوجيا يعني عندي كمبيوتر والكمبيوتر يلزمه أفراد تشغله عشان نعمل أيه يا صفاء نجمع ونخزن البيانات ونطلع المعلومات أو نستخلصها
طاب يا مستر أيه هي البيانات أقولك يا ستي هي عباره عن حقيقة زي أسمك ده حقيقه مينفعش نشكك فيها رقم تليفونك بردو حقيقه مينفعش نشكك فيها فعشان كده قالوا عليها حقيقه مجرده " مجرده تعني خاليه من الشك " يتم تجميعها بواسطة الكمبيوتر والأفراد ودول بيسمو نظام المعلومات المعلومات أيه هي يا مستر أقولك يا ستي عباره عن نتيجة مقارنة بيانين ببعضهم " نتائج معالجة البيانات " مثال ركزي معايا لو عندي شخص مستوي السكر في الدم 300 وشخص أخر 90 نجد بالمقارنه بيسن 300 و90 أن الشخص 3009 مريض سكر ودي معلومه حصلت عليها عن طريق المقارنه بين 300 و 90 أما ال 90 شخص سليم دي أول حصه وإن شاء الله أشرح أشكال البيانات والمعلومات في حصة أخري أرجو أن أكون قد بسطت المنهج بدرجه تستوعيبيها |
|
#3
02-08-2010, 01:21 PM
|
|||
|
|||
|
بجد شكرااااااا جدا يا مستر وجزاك الله خيرا بجد الجزء الى حضرتك شرحته شرح ممتاز
وانا هذاكر الجزء ده ومستنيه من حضرتك باقى الشرح |
|
#4
03-08-2010, 12:29 AM
|
|||
|
|||
|
اتكلمنا يا صفاء عن البيانات لكن متكلمناش عن أشكالها لكن أنا وأنا بشرح البيانات قولت أشكالهها بم إن البيانات هي حقائق
" فالأسماء والأرقام ولقطات الفيديو والحروف ودرجات الحراره ودرجات الأختبار ولقطات الفيديو والأصوات " دي أشكال بيانات طاب نوضح الأسم بيعتبر حقيقه كمان رقم تليفونك هو حقيقه مينفعش ننكرها وكمان الحروف دي حقيقه يعني مينفعش نقول علي الألف باء طيب لو أنتي روحتي البنك بيطلب بياناتك يعني أيه هي البيانات اللي بيطلبها منك حقائق عنك " الاسم والعنوان وتاريخ الميلاد ورقم التليفون ده أشكال البيانات أما أشكال المعلومات فتخرج علي شكل بعد أن يتم مقارنة البيانات أو معالجتها تتطلع البيانات في شكل جداول أو تقارير أو رسومات بيانية أو قوائم مثال قائمة الأسماء في الفصل شكل من ؟أشكال ........................ الرسومات البيانية شكل من أشكال ...................................... الجداول شكل من أشكال ................. بينما الحروف والأرقام من أشكال نقط حلي دول الجزء اللي هشرحه بعد كده جزء مهم جزء عن الكمبيوتر والعمليات اللي بيقوم بها وعشان نعرف ده لازم نعرف أيه هي مكونات الكمبيوتر معلش لضيق الوقت سوف أقوم بشرحه في وقت لاحق اتمني أكون وصلتلك البيانات والمعلومات وأرجو لو مش فاهمه أي جزء تضعيه هنا وأنا هشرحهولك |
|
#5
03-08-2010, 11:23 AM
|
|||
|
|||
|
بجد شكرااااا جدا يا استاذ شرح حضرتك ممتاز
الحل:1-المعلومات 2-المعلومات 3- المعلومات-البيانات ممكن حضرتك تشرحلى الفرق بين المفسر والمترجم وتديلى فكره عن خرائط التدفق؟؟ انا اسفه ان كنت بتعب حضرتك |
|
#6
04-08-2010, 01:43 AM
|
|||
|
|||
|
لأ يا صفاء مفيش تعب ولا حاجه
بصي يا صفاء المترجم اسم بالأنجليزي compiler طيب أحنا بنستخدمه في أيه أو بنعمل بيه أيه الكمبيوتر عشان يحول لغة العالية المستوي إلي لغة الأله لازم يبقي في وسيط يحولي للغه اللي بيفهمها الكمبيوتر فالمترجم بيقوم بالدور ده يحول من لغة عالية المستوي يعني " لغة الإنسان إلي لغة الكمبيوتر " الألة " طيب يا مستر الكلام ده بيتم بسرعه ولا ببطي أقولك أنه بيتم بسرعه جدا فعشان كده بيبقي في أخطاء كتير مثال لو أنت قرأتي صفحة في دقيقه ولا تقريها في خمس دقايق طبعا تقري الصفحة بالراحه عشان متخطائيش فالمترجم مميزاته أن بيحول من اللغه عالية المستوي إلي لغة الأله لكن طيب مهو أنا كده عندي مشكله يا مستر أنا هنحول من اللغة عالية المستوي إلي لغة الأله لكن في أخطاء فالبرنامج ده بقي دور المفسر أنه لما بيحول من اللغة عالية المستوي إلي لغة الأله بيحولها "تاتا تاتا " أو سطر " سطر " لأنه بطيء فالبتالي بيكتشف الخطأ والمفسر اسمه بالإنجليزي " inter praetor " يبقي مميزاته أنه بيكتشف الأخطاء بسهوله وعيوبه أنه بطيء بكده لما نيجي نستخدم الأتنين في v.b نستفيد من مميزات الأتنين المترجم سريع والمفسر بيكتشف الأخطاء وبكده نكون بعدت عن عيوب كل واحد فيهم لو استخدمته لوحده عشان كده بنستخدم الاتنين ولكن يا تري مين اللي هنستخدمو الأول المترجم ولا المفسر لو أنتي زكيه جاوبيني وأنا هشرحلك مين فيهم بنستخدمه الأول غدا إن شاء الله بكده نكون إنتهينا من المترجم والمفسر |
|
#8
04-08-2010, 12:35 PM
|
|||
|
|||
|
جزاك الله كل خير بجد انا فهمت الفرق بين المترجم والمفسر كويس جدا
واعتقد ان احنا هنستخدم المفسر الاول (بيتهيألى كده) والف سلامه على حضرتك |
|
#9
04-08-2010, 01:18 PM
|
|||
|
|||
|
اناقولت المفسر على اساس انه يصحح الاخطاء وبعدين المترجم يستخدم للترجمه لانه سريع
صح ولا ايه؟ |
|
#12
04-08-2010, 10:48 PM
|
|||
|
|||
|
شكرا يا استاذ ان حضرتك شرحتلى الغلط في اجابتى على السؤال
وتقريبا كده احنا خلصنا مضمون الفصل الاول هذاكره كويس واى سؤال صعب يقابلنى هقوله لحضرتك وجزاك الله خيرا |
|
#13
06-08-2010, 10:46 PM
|
|||
|
|||
|
الباب الثاني اسمه خرائط التدفق
هنعرف يعني أيه خرائط تدفق لكن مش دلوقتي واحده بواحده أولا طرق حل المسائل أخدنا في التكنولوجيا أو العلوم طرق التفكير وحل المشكلة لكن في خرائط التدفق هناخد حل المسأله عشان نحل أي مسأله لازم نرتب خمس أشياء 1- تحديد المسأله أو " تعريف المسأله وده يعني تحديد السؤال المطلوب الغجابة عليه 2- تحديد المتغيرات واعطاء اسماء لها يعني نحدد المعطيات اللي هنستخدمها في المسأله ونديها رموز مثال أقرأ نصف قطر دائة ثم احسب المساحه |
|
#14
06-08-2010, 11:12 PM
|
||||
|
||||
|
شكرا استاذ شرح رائع
وانا متابع |
|
#15
07-08-2010, 12:31 PM
|
|||
|
|||
|
جزاك الله خيرا ومستنيه باقى الشرح
|
| العلامات المرجعية |
| الكلمات الدلالية (Tags) |
| مذكرة, مراجعة, منهج . كمبيوتر . 3 . ع, الكمبيوتر الثالث الاعدادى, اسئلة, اعدادى, حاسب الى, حصص:كمبيوتر:3:اعدادي, سيف سالم, كمبيوتر, كتب 2011 |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 11:18 PM.
