امتحان فلسفه صعب (بلاش تدخل)

[عبد الله الرفاعي]

المشاركة الأصلية كتبت بواسطة blakblak66

بسم الله الرحمن الرحيم


بقول لكم إيه

تيجو ا نتفلسف على بعض وتكون الفلسفه هى الفيلسوف اللى يعالج كل المشاكل الفلسفيه دى
-(1)
ليه بنشوف انسان قمه فى الاحترام والادب والاخلاق لكنه ساعة مباراة كره تلاقيه متعصب وزهقان وممكن كمان من غير مايحس تلاقيه صبح شتوم للا عيبه أو الحكم أو الجمهور ؟ (مصيبه)
(2)
ليه الايام دى البنت لو زعلت تلاقى الكل بيحاول يراضيها ولو الولد زعل وحتى خرج من البيت زعلان يقولوا سيبوه دلوقتى يهدى ويرجع تانى-- هو الخروج بره البيت فى الأيام دى بيهدى الغضبان؟--(غريبه)
-(3)
ليه أنا لوغلطت فى حقك بلفظ جارح ورديت عليا بنفس اللفظ بتشعر بأنك على حق وأنا على باطل ؟ (عجيبه)


ياريت لانتسرع فى الإجابه لان الزمن مفتوح حسب نشاطكم


ملحوظه هامه: لو الامتحان صعب عليك ولقيت نفسك مش هتقدر تجاوب على كل الاسئله
-- اختار سؤالين--- لقيته صعب اختار سؤال ---- لقيته صعب قول أى حاجه واجرى

ولعدم تسريب الأمتحان ممنوع منعا باتا المشاهدات فقط
مفيش بعد كدا إدعوا لى أبقى وزير التعليم

بدأ الوقت

والله يااستاذى انا نفسى اتفلسف من الزمان وفى مقولة بتقول (ان الفلسفة وجهات نظر وكل منا له وجهة نظر اذن كلنا فلاسفة)
1_الموضوع الاول موضوع الكرة : الفكرة ان كل واحد مننا لايستطيع التعبير عن غضبة سواء من مديره فى الشغل او من الحكومة او من الحكومة اللى فى البيت طاب الشعب يعمل ايه يطأ يفرقع لأ طبعا مابنصدق ماتش كورة ونطلع الضغوط على شكل شتائم (العب يابن ال.....باصى يالعيب يا........وهكذا)وعلى فكره كل انسان محترم بداخله انسان سافل.
2_الموضوع التانى :على فكره بقى المضوع ده مالوش دعوة بالاحاسيس كل الفكرة ان الاب بيسمح للابن انه يغضب بره البيت يمكن الواد يكون عنده دم وياخد شنطته ويطلع يشتغل فى اى مطعم طول فترة الاجازة بدل ماهو قاعد يرازى فيه فى البيت ....وكله توفير.
3_ الموضوع التالت : جرب يااستاذنا كده وشوف واحد اتشتم تعرف اول كلمه المشتوم بيقولها ايه : انت عارف انت بتكلم مين..ماشاء الله الشعب كله ابن باشاوات وولاد ناس ف ازاى ابن الفلاحين يشتم ابن البيه لكن ابن البيه من حقه يشتم ابن الفلاحين لان ده طبيعى وطبعا ابن الفلاحين بيبص لنفسه على انه ابن باشا فيرد الشتمه بما هو اوقح مما قيل له وهكذا يتم التعامل بين شعب كله من اولاد الباشاوات

وهى دى وجهة نظرى فى اجابات الامتحان (ولكم ارائكم ولى اراء والحياة ظلال واضواء)ههههههههههههههههههههههههههههههههه

[سؤئة الطيوبة]

هههههههههههههه .......ربنا ..........فى عون ........اللى بيصحح .........الورقة .......بتاعتى .........نهارة .........بمبا ههههههههههههههدانا ...........بعمل ...........اختراعات .......هههههههههههوشكرا مستر بلاك ..............

[kleopatra]

ايه الاسئلة الهايفة دى انا مش هتعب نفسى
واكتب اجاباتها
يعنى هعيد السنة وربنا معاكم ههههههههههه

[مروه]

المشاركة الأصلية كتبت بواسطة أ/رضا عطيه

-(1)
ليه بنشوف انسان قمه فى الاحترام والادب والاخلاق لكنه ساعة مباراة كره تلاقيه متعصب وزهقان وممكن كمان من غير مايحس تلاقيه صبح شتوم للا عيبه أو الحكم أو الجمهور ؟
عشان ماتش الكوره بقى الوسيله الوحيده لتفريغ الضغط والكبت اللى بيعانى منه
سواء فى الفوز أو الخساره
الفوز : تقام الأفراح بالطبول والسيارات 3 أيام بلياليهم
الخساره : تعصب وزهق وألفاظ ....

(2)
ليه الايام دى البنت لو زعلت تلاقى الكل بيحاول يراضيها ولو الولد زعل وحتى خرج من البيت زعلان يقولوا سيبوه دلوقتى يهدى ويرجع تانى-- هو الخروج بره البيت فى الأيام دى بيهدى الغضبان؟
رد بسيط جدا
عشان لو البنت زعلت متقدرش تخرج بره البيت
وردا على سؤال حضرتك ( هو الخروج بره البيت فى الأيام دى بيهدى الغضبان؟)
أكيد لو مكنش بيهديه مكنش خرج
-(3)
ليه أنا لوغلطت فى حقك بلفظ جارح ورديت عليا بنفس اللفظ بتشعر بأنك على حق وأنا على باطل ؟

عشان البادى أظلم

شكرا لحضرتك ع الأسئله

وياريت كل أسئلة الإمتحانات كده

مع العلم إن أكتر ماده بكرهها هى الفلسفه

[مروه]

ألف مبروك يا مستر على تغيير الإسم

والله لسه عارفه دلوقتى

والله والله والله العظيم لما قرأت الموضوع استغربت

وقلت إن ده نفس مواضيع مستر BlakBlak ونفس أسلوبه

[7ooooda gamal]

مبروووووووووووووك يا مستر رضا على الاسم الجديد