النقاب ..فرض.. سنة .. اجتهاد .. ولا ؟!!

[حازم 93]

ياريت يا استاذ المحب لله والاخت تسابيح تبقى طريقة الكلام احسن من كدة
انا قلت رأيى بس وكل واحد ليه رأيه وربنا اللى هيحاسبنا وبعدين انا مغلطتش فى الدين او فتيت لانى مقدرش اصلا
انا مسلم وموحد وبحب دينى وغيور عليه جدا
وانا قلت فى الاول ده رايى والله اعلم مقولتش ان دى فتوة ...
وبعدين انتوا متضايقين ليه ان صاحب الموضوع فتح موضوع دينى , تحبوا كان يعمل موضوع تافه عشان منتكلمش فى الدين ؟؟؟!!!!! للأسف ده اللى هيجيبنا لورا
فيها ايه لما الشباب المسلم يقول رأيه وكلنا نستفيد من بعض ونعرف اخطائنا ؟؟
واحنا لما بنتكلم بنقول ان ده رأينا ومش متأكدين اذا كان صح ولا غلط وبنستنى حد يعلق علينا ويقول أصح حاجة مش بنفتى يعنى
و انا عايز حد ينكر ان فى ارهاب فى الزمن ده ولا انتوا مش عايشين معانا ؟؟؟؟؟؟
و عاوز اعرف ايه الغلط لما واحد مسلم يخاف ان بلده يحصل فيها ارهاب وتبقى بلد خراب !!
انا قلت ان فى ناس بتستغل النقاب فى الاعمال دى ودى حقيقة وحصلت كتيييير
وياريت بعد كدة لما نيجى نعلق على كلام بعض يبقى بطريقة كويسة , مش تهكم وتريقة على بعض يا اما محدش يرد على حد
وبعدين احنا مش بنتخانق يا استاذ المحب لله عشان تقول اللهم انى صائم , احنا مش يهود قدامك وبرضه بتقول عايزين جنازة يشبعوا فيها لطم .. ده كلام يتقال من شاب مسلم ؟؟؟؟؟؟
والاخت تسابيح.. ايه معنى وا اسفاه على امة الاسلام ؟؟؟؟؟
والله عيب عليكوا اوى الكلام اللى بتقولوه ده وانا مش هعلق عليه عشان انا مسلم وفاهم معنى الاسلام

وشكرا ليكوا جميعا

وياريت محدش يتضايق من كلامى