المرتب لا يكفى

[محمد ابوصلاح]

انت دلوقتي يا استاذ ياسر بتقول كيلو الطماطم ب 8 جنيه لا هيا عندنا احسن طماطم ب5 جنيه وكمان الموضوع مش مشكلة طماطم بس كل الاسعار في السما يعني عندك
كيلو اللحمة 55 جنيه وفي بعض الاماكن 60
كيلو الدقيق بقي ب4 بعد ماكان ب2 يعني زاد الضعف
كيلو اللبن ب 5 جنيه وكيلو الزبدة البلدي ب 33 جنيه
كيلو الفراخ بقي 18 جنيه
كيلو الارز بقي ب 3 جنيه
البيضة الواحدة بقت ب70 قرش
اقول ايه ولا ايه ولا ايه كل الاسعار زادت اوي والحاجات اللي انا ذكرت اسعارها دي اساسيات في كل بيت
المشكلة دلوقتي مش في موضوع الزيادة وبس الموضوع ان اغلب الشباب بيبعدوا عن التفكير في الزواج في الوقت الحالي وده بيزود نسبة العنوسه لانه بيفكر لما يتجوز هيصرف منين وبيفكر مش في المصاريف دي بس لا في مصايف تانية زي فاتورة الكهربا وفاتورة الميه وفاتورة التليفون والغاز والضرائب العقارية الجديدة ومصاريف العيال ومصاريف الدواء ياااااااااااااااه هم كبير الله يكون في عونا وعون كل شاب وكل فتاة
تعرف ان مجلس الوزراء اقر ان اقل مرتب يجب ان يكون لموظف الحكومة هو 1200 جنيه عشان يقدر يعيش ومع هذا لايوجد تحرك
انا اسف اني طولت عليكم وحسبي الله ونعم الوكيل