النهاردة انت مشرف العام ... ياترى حتغير ايه ؟

[Mr. Ali 1]

القسم العام هو أكثر الأقسام دخولاً ومشاركة من الأعضاء , ولذا تقع علي المشرف مسئولية كبيرة جداً . وسبق لي أن قلت بأن القسم له 4 مشرفين , ولكنني لا أري سوي 2 . انت وتسابيح النجوم , ولا أدري أين الباقي؟!! فكما قلت مسئولية هذا القسم ومتابعة موضوعاته الكثيرة جدا , أمر مرهق جدا جدا . الأخ بانزر والأخت تسابيح انتوا بتبذلوا مجهود واضح , لكن أعتقد ان انتم لسه طلبة ما لم أكن علي خطأ , والدراسة علي الأبواب , ولما يكون للقسم 4 مشرفين يبقي لازم الأربعة يتعاونوا مع بعض .
أما بالنسبة إلي الانتقادات الخاصة بالقسم فهي :-
1- تكرار بعض المواضيع بأساليب مختلفة ولكن بنفس الجوهر.
2- مشاركة الأعضاء في المواضيع معظمها لزيادة عدد المشاركات فقط دون ابداء لرأيه .
3- كثرة الموضوعات الجديدة مما يجعل الموضوعات السابقة لا تأخذ حقها من المناقشة.
القسم العام مفيد جداً في معرفة الآراء المختلفة. وهذا القسم أقضي فيه معظم وقتي.
ولدي اقتراح واتمني التفكير فيه وهو ان يسمح للعضو بعمل موضوعين فقط في الأسبوع , حتي يتاح لكل موضوع مناقشته وابداء الأراء المختلفة فيه , وكمان يتيح للأقسام الأخري أن يشارك بها الأعضاء.

[BaNZeR]

المشاركة الأصلية كتبت بواسطة aliweeka1

القسم العام هو أكثر الأقسام دخولاً ومشاركة من الأعضاء , ولذا تقع علي المشرف مسئولية كبيرة جداً . وسبق لي أن قلت بأن القسم له 4 مشرفين , ولكنني لا أري سوي 2 . انت وتسابيح النجوم , ولا أدري أين الباقي؟!! فكما قلت مسئولية هذا القسم ومتابعة موضوعاته الكثيرة جدا , أمر مرهق جدا جدا . الأخ بانزر والأخت تسابيح انتوا بتبذلوا مجهود واضح , لكن أعتقد ان انتم لسه طلبة ما لم أكن علي خطأ , والدراسة علي الأبواب , ولما يكون للقسم 4 مشرفين يبقي لازم الأربعة يتعاونوا مع بعض .

برده قايل في الموضوع القسم مش المشرفين واول حاجة تتكتب في التوبيك عن المشرفين
مش معنى انك بتشوف اتنين بيردو داخل المواضيع انه التانيين مش بيدخلو
في كم مواضيع بتتحف وبتتنقل مش بتشوفوها اصلاً
واكيد يعني بنتعاون مع بعض مش واقفين بنتفرج على بعض
لكن مش كل الاجراءات اللى بتتم بتشوفوها

كان نفسي يبقى ردك شامل اكتر بخصوص الاسئلة اللى حطيتها بالاحمر
وحستنى كل تعليقاتكم وحرد عليكو في الاخر بإذن الله

[BaNZeR]

المشاركة الأصلية كتبت بواسطة aliweeka1

أما بالنسبة إلي الانتقادات الخاصة بالقسم فهي :-
1- تكرار بعض المواضيع بأساليب مختلفة ولكن بنفس الجوهر.
2- مشاركة الأعضاء في المواضيع معظمها لزيادة عدد المشاركات فقط دون ابداء لرأيه .
3- كثرة الموضوعات الجديدة مما يجعل الموضوعات السابقة لا تأخذ حقها من المناقشة.
القسم العام مفيد جداً في معرفة الآراء المختلفة. وهذا القسم أقضي فيه معظم وقتي.
ولدي اقتراح واتمني التفكير فيه وهو ان يسمح للعضو بعمل موضوعين فقط في الأسبوع , حتي يتاح لكل موضوع مناقشته وابداء الأراء المختلفة فيه , وكمان يتيح للأقسام الأخري أن يشارك بها الأعضاء.

رد حضرتك هو الرد الايجابي الوحيد في الموضوع حتى الآن ... جزاك الله خيراً

بخصوص التلات نقاط فهما فعلاً موجودين
والسبب في معظمهم كثرة المواضيع المنقولة
وقد يتم حل هذه المشكلة بمنع المواضيع المنقولة تماماً إلا في حالات خاصة يتم استثنائها

لإنه فعلاً المواضيع كتيرة جداً وكله بيجيب جاهز اسهل من الكتابة الشخصية
وعشان كدا قررنا مشرفي القسم العام بمنع المواضيع المنقولة الغير نقاشية
حيث أن ردود تلك المواضيع لا تتعدى الشكر والثناء دائماً
واراهنكو ... محدش بيقراها

في انتظار اقتراحات اخرى لتطوير القسم والنهوض به

وشكراً لبقية الردود