رأيك في مادة الأحياء كــ مستوى رفيع

[riham hani]

بصراحه كل الاراء الى هنا جميله ومقنعه وفيها متشاااابه بس اكنرها متناقض ليييييييييه؟؟؟؟؟؟؟
انا واخده احياء بس لسه مش عارفه برده السبب الى خلانى ادخل احياء انه الوحيد الى درجه 10فيه مضمووونه
بالاضافه انى مش بحب العربى وع فكره انا كويسه فى الانجلش جدا ومع ذلك حذرونى منه جااامد
سووورى طولت عليكو
الاحسن منخدش مستوى خالص بقه ههههههههههههههههههه

[♥♠ψ ĬŠℓǺλλ ψ♠♥]

أنا ان شاء الله رايح تالتة....و الكلام دا اخر الاستنتاجات اللى وصلتلها :

أولا: بالنسبة للعربى :

- مادة خنيقة و مملة
- عبارة عن حوالى 14 موضوع قراءة....بس مش أي موضوع..فاكرين الموضوع اللذيذ بتاع *^ أصالة القصة العربية^* ؟!!....
أهى المواضيع دي تقريبا حاجة عاملة زييو كدا...يعنى حاجة زي الفل ....

- بيجى فى الامتحان بلاغة ونحو ..دا أكيد طبعا..يعنى ببساطة ممكن يجيلك قطعة بلاغة متفهمش فيها كلمة...على سبيل المثال :

عبث طوافى فى البلاد وعلة
فى علة منفاى لاستشفاء

ويقولك يا معلم : (ا) جمعت تجربة الشاعر مستويات "قومية وفكرية و وجدانية" عبر عن ذلك مع بيان الألفاظ التى عبرت عن صدق أحاسيس الشاعر ....
يا سلام... ودا بقلى على أساس انى فاهم فى البيت حاجة غير كلمة"البلاد + علة"... وأكيد دول اللى هثبت بيهم صدق أحاسيس الشاعر ...

- ونفس الحكاية مع النحو ممكن يجيلك قطعة نحو متعرفش فيها راسك من رجليك....

* يعنى من الاخر العربى ملوش حدود ومش مضموووون...

ثانيا : بالنسبة للانجليزى :

- نفس الحوار مع الانجليزى...هوا مش خنيق أوى زي العربى.. بس برضو مش مضمون ودا عشان :

- بيجى essaY و دي مقالة انتا بتكتبها تقريبا حوالى براجرافين أو حاجة زى كدا ...بس المشكلة مش فى كتابتها ( انتا هتكتبها يا معلم و هيبقى مزاجك فل ) بس المشكلة بقى فى الباشا اللى هيصححهالك..دا لئنو هيصححها بمزاجو و هيحطلك الدرجة اللى هوا عايزها...و ساعتها محدش هيقدر يكلموو لئن دا تقدير المصحح...

وعلى فكرة أنا حصل معايا الحوار دا فى تانية... لما رحت كشفت عالورقة...لقيت الأخ المصحح مدينى 4.5 من 6 ...وكمان مش معلملى على أى حاجة فيه و مفيش فيه حرف .. ومنقصنى بمنتهى البروود...بس نعمل ايه بقى ..دا تقدير النجم اللى مصححلى!و كمان مش مراعى اننى عاجن فى بقيت الامتحان.... يعنى بمعنى أصح اتشفرت فى الانجليزى......

- بيجيلك فى الchoose حوالى جملتين من بررا المنهج -دا لو الامتحان كان ليه علاقة بالمنهج أصلا- يعنى برضوو مش مضمون...

- دا زائد القطع العجيبة و الافتكاسات اللى بتيجى دى ومبنفهمش فيها كلمة وبتتحل بالبركة ( ومتهيألى كلنا مجربين )..

*- يعنى من الاخر كفاية علينا الانجليزى الأساسى بتاعنا و افتكاساته..

- بس لو انتا واثق من نفسك يا معلم فى الانجليزى وال skills بتاعتك عالية ...دوووووووس يا معلم عالبركة ...احنا مش قدك...


أخيرااااا : بالنسبة للأحياء :

- مادة صعبة شوية وعايزة مذاكرة و مجهووود ..( مننكرش )..

-بس فى الأول و الأخر ..انتا معاك كتاب من صفحة كذا ..لصفحة كذا .. وانتهى الحوار ... يعنى لا فى skills ولا essaY ولا صدق أحاسيس الشاعر ولا بدنجان...يعنى انتا مش حتحاول تفكس فى الامتحان أو تحل من دماغك... انتا معاك كتاب وعارف منهجك وعارف حدودك اللى الكتاب مش هيخرج عنها....

- صحيح منهجها كبير شوية و عايز مجهود.. بس دا أحسن من انك تقعد تذاكر فى حاجة وتروح تلاقى الامتحان ملوش علاقة بيها....

* أنا شايف ان أنسب حاجة هي الأحياء... دا مش حبا فيها.. بس عشان احنا فى أحوج الحاجة لدرجات عشان السنة الهم دى...

اسف على الاطالة....و اسف لو كنت أفورت فى الكلام شوية.......