كلية التربية _جامعة طنطا_دبلوم مهنى _إدارة مدرسية

[m_adel_143]

أستاذة سماح

أنا اقدر ان الكل يعمل بمدارس وفينا اللي بيشتغل دروس بعد المدرسة طول الاسبوع

لكن المشكلة في يوم الجمعة ان الناس كلها اجازة وكذلك معظم السواقين فبنلاقي مشكلة من خارج طنطا اننا نوصل لطنطا في اليوم ده ..

انا والله العظيم السنة الي فاتت عمري ماعرفت اجي يوم الجمعة ولا حضرت ولا محاضرة للدكتور سلامة




واتمني ايجاد حل يرضي الجميع



وعايزين توضيح أ:تر فين المجمع الطبي بالضبط


لو اللي في كلية العلوم
هل ده اللي بنروحله من الشارع اللي بين النادي والمحافظة ويعد كده الشارع اليمين ؟


واللا مكان تاني

؟؟؟؟؟؟؟


نرجو الافادة



ولكم وافر الاحترام والتقدير

[قطرات المطر]

المشاركة الأصلية كتبت بواسطة m_adel_143

وعايزين توضيح أ:تر فين المجمع الطبي بالضبط


لو اللي في كلية العلوم
هل ده اللي بنروحله من الشارع اللي بين النادي والمحافظة ويعد كده الشارع اليمين ؟


واللا مكان تاني

؟؟؟؟؟؟؟


نرجو الافادة



ولكم وافر الاحترام والتقدير

هحاول اوضح فين المجمع الطبى وربنا هو الموفق

اولا كلنا نعرف ازاى نروح لكلية التربية طبعا قدام البوابة الرئيسية لكلية التربية فى مبنى المحافظة




انسى خالص كلية التربية وخليك واقف قدام مبنى المحافظة ومبنى دلتا سيتى مول يكون مواجه للظهر مش للوجهه




وابتدى امشى لحد اما توصل لمبنى مستشفى الجامعة هى مسافة طويلة شويتين




الشارع اللى قبله على طول هو ده شارع المجمع الطبى ولو وصلت للمستشفى دى ممكن تسأل أى حد من المارة عن المجمع وهيقولك عليه ده لو كنت هتمشى هههههههه.

اما بقى لو هتركب هتوفر على نفسك كتير اركب التاكسى وقوله ودينى المجمع الطبى ممكن تقوله المجمع الطبى من ناحية نجف الجامعة فى هناك بوابة او ممكن تقوله المجمع الطبى من شارع البحر الاتنين سيان بس من نجف الجامعة تعتبر احسن لان هينزلك امام البوابة لكن اللى فى البحر بتنزل وتمشى شوية لحد اما توصل للبوابة واما تدخل البوابة هتلاقى اكتر من كلية بالداخل




يا رب اكون قدرت اوضح ولو حد تاه لا قدر الله ميبقاش يدعى عليه ههههههههه وان شاء الله تقدروا توصلوا بسهولة