الوهم الكبير

[منار على]

انا مش فاهمه بصراحه هو غلط فى ايه عشان نهاجمه بالشكل دا

ياجماعه مش شرط اى يدخل يقول الكلام دا يبقى محبط ومخيب للامال ومكتئب ومتشائم

واحتمال معقد لانه ممتحنش الكادر او مش الناس اللى المفترض انهم يتعينوا قريب

ليه ميكونش انسان واقعى بيبنى استنتاجات بناءا عن واقع هو عايشه وعارفينه كلنا

ليه ميكونش معندوش ثقه من كتر الكلام الكتير اللى اتقال ومتنفذش وكتر الكلام اللى بنسمعه من زمان

والوعود اللى بقالها سنين ومتحققتش

ياريت نفهم ان مش كلنا زى بعض وان فيه فروق فرديه بينا

وياريت نحاول نتفهم اللى حوالينا اكتر من كدا ولو بفرض انه متشائم ومحبط من الواقع وقال كلمتين

ليه نهاجمه بالشكل دا

واحب اقولكوا ان بقالى اربع سنين عقد ومن اول 6 شهور اشتغلت

وانا بسمع كلام عن التثبيت وبقالى اكتر من تلت سنين ونص

وخلصت الاى سى دى ال وامتحنت الكادر والحمد لله نجحت يعنى من الناس المفترض انها هتتعين

ومع كدا للاسف انا كل اللى اتعلمته من خلال شغلى فى التربيه والتعليم

انى مصدقش اى حاجه من غير ماتحصل فعليا قدامى لانى كتير سمعت كلام ووعود سواء عن التثبيت او حاجات تانيه كتير جدا

ومن ناس اكبر منى وفى مراكز

وكلها للاسف كانت وعود كاذبه لحد دلوقت وطبيعى من كتر ماقابلت وسمعت ومفيش اى حاجه حصلت

انى مصدقش غير اللى يحصل فعليا قدامى

فياريت نكون اكتر تفهم شويه للتانيين ومراعاه لظروفهم وسمات شخصياتهم

واحب احكيلكوا حكايه طريفه

انا اول مااشتغلت عرفت اتنين صحاب ليا كانوا تعاقد خمس سنين وجاتلهم فرصه سفر كويسه جدا

واحنا كلنا كان عندنا امل نتثبت بس الفرق بينى وبينهم انى وقتها مكانش عندى لسه خبره

واحده منهم فضلت معلقه نفسها بامل التثبيت وسابت الفرصه دى والتانيه لغت العقد وسافرت

وبلاش اقولكوا الفرق بين الاتنين دلوقت