أشعر بالحزن لأنني مصرية

[روووووز]

المشاركة الأصلية كتبت بواسطة مستر ايمن محمد راشد

يعنى ايه مصر هل المقصود بيها الشعب ام الحكومة ؟
الشعب اللى انا وانت وانتى واهلى واهلك وجيرانى وزمايلى فى الشغل
لو بتحب مصر يبقه لازم تحب شغلك تتفوق فى دراستك
لو بتحب بلدك يبقه لازم تحافظ عليها لازم تتمسك بالقيم الشرقية
لو بتحب بلدك لازم يكون عندك ضمير فى كل حاجة
لو بتحب بلدك يبقه لازم تبنى مش تهدم
مش عشان بتشوف الفساد والرشوة فى مصر يبقه لازم تستسلم ... ابدأ بنفسك انك تعمل الخير وزى منتا بتعمل الخير اكيد فى ملايين زيك ؟؟؟
يا جماعة مصر دى مش كلمة بتتقال .... حب الوطن ده احساس ولازم كلنا يكون جوانا الخير
لو انت مشيت صح ..اكيد اكيد الوضع هيتغير كتير ...
اما عن الحكومة : طبعاً كل لحظة القنوات الفضائية بتتكلم عن الفضايح اللى بتحصل مع كبار رجال الدولة والمسؤلين وكبار الصحفيين والاعلامين بيتكلموا ... طيب السؤال ؟ ايه النتيجة ؟ يا ترى حال البلد اتصلح ولا بيدهور ؟
سؤال تانى ؟؟ لو القنوات دى بطلت تتكلم عن الفساد والرشوة وخلافه ... يا ترى الاعلام هيشتغل ايه ؟؟ هيقعد على القهوة ولا هيستنى دوره فى التعيين ؟؟
يا ترى الاعلام ده رسالته الاولى هى ايه .... هل مصلحة البلد ولا هى عمليه تجارية ...
اسأله كتير ..... لكن فى النهاية اشكرك جداً على فكرة الموضوع
يا جماعة حب البلد مش كلمة ....حب البلد فعل وعمل وتضحية

كلام جميل والسبب ورا اللى بيحصل فى الشعب هى الحكومة يعنى جرائم القتل انتشرت والسرقة والقتل والنهب بين الشعب عشان يقدروا يعيشوا فى البلد مفيش وظائف ومفيش حاجة تساعد الشباب يعنى فين كل فلوس البلد وخيرها من قناه السويس والسياحة وغيره حميها طبعا حراميها دول يفضلوا يجمعوا فى اموال البلد عشان لو طلعوا من المنصب اللى هما فيه
اما حكاية الاعلام كل واحد وضميره فى من اجل الشهرة وجمع الاموال وفى من اجل نشر مشاكل الناس وحلها
واللى زعلانين انى بقول مشاكل البلد خلاص يعملوا مظاهرات على وقف الاعلام المصرى اللى بينشر مشاكل البلد مع ان معظم الاعلامين اتسجنوا وفى المعتقلات بسبب نشرهم لمساؤى الحكومة والسرقة اللى فيها

ربنا يستر فى الايام الجاية

شكرااا يامستر ايمن على الكلام الجميل وحب البلد يعنى لازم نذكر عيوبها مش نفضل نجامل فيها لحد ما تزداد فى الانهيار ده مش كره للبلد او ان ننكر فضلها ده حب خالص مش حب كلام