لكل مصرى ادخل لازم تقول رأيك ؟

[MoHaMeD ELsHeRbEnY]

المشاركة الأصلية كتبت بواسطة روووووز

انا عندى سؤال ليه احنا مش بنطلب رقابة على الانتخابات الامريكية او غيرها ؟؟؟

وكمان انا مش عندى مانع تكون فى رقابة دولية على الانتخابات هما خايفين الفضائح تتكشف للعالم اكتر ما هى مكشوفه لو كانت الحكومة مش خايفة من حاجة ونزيهه كانت وافقت بس هى خايفة ان العالم كله يعرف الانتخابات المصرية المزورة

بصى يا رووووز فية مثل حلو اوى هو تعليقى على كلامك
مينفعش ننشر غسيلنا الوسخ قدام الناس
دا اذا كانت الانتخابات فعلاً هتتزور ودا انا كشخص متابع وشاهد لحاجات مهمة كتير فى محافظة الدقهلية
وعضو فى حاجات مهمة كتير فى الدقهلية وعضو فى لحزب الوطنى ونائب لـ لجنة فية كمان
بقولك وبقول لكل الناس ان الانتخابات الدورة دى هتبقى انتخابات نزيهة بكل المقايس بنسبة 99%
والواحد فى المية هيبقى تزوير فقط للاخوان المسلمين لان دول ليهم عدد معين داخل المجلس
مستحيل هيعدوة مهما اخدو اصوات
المشكلة الاساسية لو سمحنا للرقابة الى انتى بتطلبيها دى يا روووز دى يبقى معناة فى الفكر السياسى ان مصر دولة ناقصة السيادة
لان البرلمان هو الهيئة التشريعية الاولى فى مصر فمعنى ان تتدخل دولة اوربية او منظمة او اى ان كانت اذاً فمصر محتلة فى السياسة الداخلية ودى اهم حاجة فى اى دولة
شكراً لمرورك ولرأيك الجرئ
واتمنى انك تفكرى فى كلامى وتناقشينى فية
ودا بجد هيكون شئ يسعدنى
ربنا يكرمك
فى رعاية الله

المشاركة الأصلية كتبت بواسطة super hero 1991

معلش انا مليش في السياسه

بس انا كمسلم مصري اعرف ان اللي فاكر ان امريكا عايزة تساعدنا ويهمها مصلحتنا واحد من اتنين اما عبيط او عميل

ياسيدي ماشي انا انتخاباتي مزورة انت مالك ؟

وده اظن ممكن يكون سبب فعلا علشان يدخلوا مصر

علي العموم لو هم بيعملوا كل ده علشان يدخلوا مصر طب ياريت
ساعتها مش هيخرجوا منها احياء جثثهم المتعفنه بس اللي هتخرج من هنا

انا متفق معاك فى الجزء الاول وهو مضمون الموضوع
اما بالنسبة للمواجهة بينا وبينهم فللاسف مختلف تماماً معاك
احنا لو انتصرنا عليهم هننتصر فقط بـ لا اله الا الله محمد رسول الله
ان تنصروا الله ينصركم
وللاسف الغالبية فى مصر بعدت عن دينها
شكراً لمرورك ورأيك المتميز يا احمد
جزاك الله كل خير
سعيد بمناقشتك واتمنى ان تستمر اذا كان هناك اختلاف
فى رعاية الله

المشاركة الأصلية كتبت بواسطة aliweeka1

في البداية أحييك علي طريقة طرحك للموضوع , فقد تم طرحه بصورة هادئة ومتزنة وموضوعية .
الموضوع له شقين :
- اصرار أمريكا علي الاشراف علي الانتخابات المصرية وتهديها بقطع المعونات .
- رفض الحكومة والنظام المصري للمطلب الامريكي .
بالنسبة للشق الأول أري أن أمريكا بالطبع لا يهمها تطبيق العدالة والنزاهة في العملية الانتخابية , ولا يهمها أن يتولي حكم مصر الأصلح للبلد ولشعب هذا البلد .
من المؤكد انها تسعي لمصلحتها فقط وربما كانت هذه المصلحة في زرع نوع من البلبلة والفوضي داخل مصر وبين فئات الشعب المصري المختلفة حتي يتسني لها أن تسيطر علي الأوضاع في مصر بصورة أكبر مما هي عليه !!
وبالطبع فالمعونات هي احدي الوسائل القوية التي تستخدمها أمريكا للضغط بها علي الحكومة المصرية .
بالنسبة للشق الثاني فإن الحكومة والنظام المصري يطبق الحكمة القائلة ( كلمة حق يراد بها باطل ) فهي ترفض اشراف أمريكا علي الانتخابات بدعوي أن هذا الأمر خاص بالسياسة الداخلية لمصر فقط ولا يحق لأمريكا التدخل في هذا الأمر , هذا ظاهر الأمر ولكن باطنه معلوم للجميع تقريباً وهو رفض أي اشراف دولي وليس أمريكي فقط علي عملية الانتخابات لأن هذا الأمر ان تم فالنتيجة معروفة للجميع وهذا بالتأكيد ما لا يرغبه الحزب الحاكم !!
ومصر منذ فترة ليست بالقصيرة تعتمد علي المعونات الأمريكية ولم تحاول الحكومات المتعاقبة أن تجد بديل لهذا الوضع المذل أو علي الأقل أن تحد منه , مما أعطي الفرصة لأمريكا أن تتدخل في كثير من الأمور التي تحدث داخل مصر وأيضاً لديها كلمة ورأي مسموع في سياسات مصر الخارجية !!

شكراً لزوق حضرتك يا استاذ على
وشرف ليا شهادة حضرتك واعجابك بموضوعى المتواضع
بالنسبة لرأى حضرتك للشق الاول فكلامك دا منطقى جداً وهو اكيد الحقيقة
مفيش مبرر تانى غير انهم بيحاولو يعملو فتنة بين الحكومة والشعب وبين الديانات وبعضها وبين الجنسيات وبين العرب كلهم وبعض
بالنسبة للاشراف الدولى مهما كان نتيجتة وانا متأكد ان لو ليها 1 % مفيدة ليها 99 % فساد
فلو الواحد فى المية المفيدة منهم هتروح لكن الـ 99 معانا هيبقى اكيد افضل لينا
اما الشق الثانى وهو اعتماد مصر على المعونات فدى من اهم نقاط الفساد الى نقدر نعتبرها استعمار لينا بشكل مباشر
وللاسف مبنحاولش نتخلى عنة او نقضى علية بلعكس بنفرح بية !
شكراً لرأى حضرتك الجميل والمنطقى والمقنع جداً يا استاذ على
سعدت جداً بمناقشة حضرتك
واتمنى ان تستمر ان كان هناك خلاف
جزاك الله خيراً
فى رعاية الله