مملكة حسنى مبارك 2 ......... تعالوا نكمل الباقة

[gamal saber]

فى البداية احب اشكرك يا مان على مجهودك فى توضيح بعض العيوب الموجود فعلا والى محدش يقدر ينكرها
لاكن انا ليا بعض الملاحظات
بالنسبة لتعريف الشعب هو كدة مينفعش خالص من الناحية العلمية لاكن مكن نعتبرة تعريف فطرى
ثانيا انت فيما يتعلق بمواقف الشباب والبنات تعرض للموضوع بمنتهى السطحية ومرجعتش المشكلة لاصلها عشان نقدر نحلها بالعكس لو اهنا حاولنا نصلح من الشباب بس عمرنا ما هنقدر نصلحة لان طبيعة المرحلة دى من الحياة الميل للفسح والخروج والجرى والتنطيط ودة طبيعى لاكن المشكلة فى الطريقة الى بيتم بيها دة
وكمان انت ازاى بتلوم شاب لسة خبراتة فى الحياة قليلة لما يقلك هم الى اتعلمو خدو اية يعنى هو لو صدقك دلوقتى وذاكر ودخل كلية من كليات القمة وجاب تقدير كويس وبعدين خرج قعد على القهوة
تتوقع ان هو نفسة ممكن ينصح شاب صغير ويقلة اعمل الى عليك دا بالعكس هيقلة عيش حياتك يا ابنى كدة كدة قاعد
فاهنا لازم نرجع الامور لاصلها عشان نقدر نحل المشاكل بالراحة ومشتحيل شخص واحد يقدر يعمل كدة
اما فيما يتعلق بالجزء الخاص بالحكومة فانت مكنتش منصف فى تقسيمك المشكلة لجزئين شعب وحكومة
لان الحكومة ذاتها جزء من الشعب
والى يمشى على الشعب يمشى على الحكومة لانهم هم نسيج واحد فى النهاية
اتمنى يكون المعنى الى انا عاوز اوصلة وصل ليك يا مان
وفى النهاية الاختلاف فى الراى لايفسد للود قضية
شكرا يا باشا على التوبك المهم دة
بجد عاوزين نشوف موضيع زى كدة