هو إيه اللي بيحصل ....!

[Mostafa Walid]

اولا انا المفروض مزودش كلمه بعد اللى قالوه احلى صحاب
بص يا احمد حدد مستقبلك شوف انت نفسك تخش اهي شوف انت لما تخش وتسمع يوم النتيجة جايب باذان الله المجموع اللى تتمناه
وبص بس بنظره تانيه لو انت مجبتش المجموع ده اولا بالنسبه لاهلك ثانيا بالنسبالك ومستقبلك اكيد طبعا لما تلاقى نظره الكل ليك باحترام حتبقى اجمل صح ولا ايه وعلى فكره 3 او 4 ساعات مش وحش والله ما وحش بس اهم حاجة تخلص فيهم الماده اللى عندك سيبك من حكايه الجدول مش الجدول يعنى هو اللى حيجيب المجموع انا عمرى ما اشتغلت فى حياتى بجدول والحمد لله على كل شى
وعلى فكره اكبر عامل بيعملك احباط هو انك متمشيش على الجدول اللى انت عملته ده لوحده مصيبه يعنى فسيبك منه وزى ما قولتلك قول انا عندى النهارده كذا فى الدرس ان شاء الله ححل عليه ولما ارجع ازاكر اللى انا اخدته وعلى فكره كمان مش لازم اكتر من ماده فى اليوم يا عم انت عندك 7 ايام واحنا عندنا 5 مواد يبقى انت لوذكرت كل ماده بضمير فى يومها حيبقى يومين يوم تراجع ويوم يا عم اجازه يالا وياريات نبقى صحاب يا احمد وانت بقى علمى ايه انا علمى رياضة واسمى مصطفى من اسكندريه وعايز اسمع كمان يومين مش اكتر انك بقيت دحيح ماشى

[dr\villa]

انا نادرا لما بتدخل في الدراسه او اكتب ردود وكده !! بس هقولك نصايح حد عدي بالمرحله دي

بص ... اللي انت فيه ده طبيعي جدا واكيد انك لازم تبقي خايف وقلقان علي مستقبلك والا بقي متكونش انسان بيحس زينا يعني
بس لازم القلق والخوف ده يبقي ايجابي ..يعني يدفعك انك تذاكر و تبذل مجهود اكبر
ومتخلهوش يأثر عليك بالسلب ويحبطك !! دي نقطه .

النقطه التانيه .. بالنسبه للجدول ..الكلام ده مينفعش معانا احنا_المصريين_ عشان كده مش لازم جدول
اهم حاجه ...انك تستغل اي وقت متاح ومتضيعش وقتك وركز علي المواد اللي انت ضعيف فيها

وحاول تحفز نفسك وتشجعها وتخيل لو جبت مجموع كويس هتبقي فرحان قد ايه ؟؟!!

وعلي فكره ...انت لو لسه مافتحتش كتاب من اول السنه وبدأت دلوقتي من اول الكتاب ...هتلحق تخلص وتراجع كمان