يلا نحتفل

[عاشق البلانكو الابيض]

قلبي زملكاوي

**************


من غير ما تكون بالكورة موهوم
هتكون بالفطرة زملكاوي

لو ابن يومين .. او فوق ستين
هتقول و تنادي زملكاوي

و ده حب كبير .. وبقاله كتير
بيخليك تحلم بالنادي

الاول فى الكاس و الدوري
ف افريقيا و باسم بلادي

هنعيش ونموت و بأعلى صوت
الكل هيبقى زملكاوي

***

الاصل حقيقي فى امجاده
ميت سنه و عايشهم بولاده
بطولات و كؤوسها فى دواليبه
ابطال بتحققله تاريخه
وعشان كده قلبي زملكاوي

***

لعيبه حريفه و بتعلّم
الكورة ازاي يوم تتكلم
عايشين يرفعوا اسم ناديهم
ف العالي و يحموه بإيديهم
وعشان كده قلبي زملكاوي

***

يا زمالك .. اسمك ف بلادي
رايه مرفوعه و مش عادي
مدرسه للفن و للكوره
لعيبتك دايما ف الصوره
و عشان كده قلبي زملكاوي

***

يا زمالك "بصري" و "شحاته" .. و "إمام" لعيبه فوق العاده
" شيكا " و "فتح الله" دوله ولادك
و "وحيد" حامي شبكة بطولاتك
و عشان كده قلبي زملكاوي