سمعتوا الوزير قال ايه لمحمود سعد حالا

[مدرسة الانجلش]

سمعتم الوزير مع محمود سعد حالا

قال ان المعلم المساعد اللي شغال بعقد مميز

هيتم تثبيته

سمعتوه

ولا لا

[مدرسة الانجلش]

وقال كمان انه كل اللي شغال بعقد مؤقت يطمن لن يتم الاستغناء غنه

[hossam85]

ايوة بس لم يحدد متي سيكون ذلك وقال ان اوراق هؤلاء المعلمين يتم مراجعتها

[مدرسة الانجلش]

الكلام ده من شوية صغيرين مع محمود سعد في برنامج مصر انهارده

[m_nagib_2010]

وزير التعليم يعلن تعيين 43 ألف معلم مساعد



وزير التربية والتعليم
القاهرة - أ ش أ
قال الدكتور أحمد زكى بدر وزير التربية والتعليم أنه سيتم خلال الأسابيع القليلة تعيين 43 ألف معلم مساعد ليستفيدوا من كادر المعلمين، مؤكدا أنه لن يتم إلغاء أية حالة من العقود المؤقتة بصفة عامة.

رابط صحة الخبر
http://www.thanwya.com/vb/showthread.php?t=279842


وألف مليون مبروك

[hossam85]

ونحن في نفس المشكلة جملة (((((((((((((((((((( متي سيكون ذلك ))))))))))))))))))))))))))
وهذا بعد ما شبعنا بالوعود الكثيرة التي لايتم تنفيذها

[مدرسة الانجلش]

المشاركة الأصلية كتبت بواسطة hossam85

ايوة بس لم يحدد متي سيكون ذلك وقال ان اوراق هؤلاء المعلمين يتم مراجعتها

طيب وهنعمل ايه مفيش قدامنا غير الصبر والدعاء


يمكن يكون اخرتها خير

[m_nagib_2010]

اللهم لك الحمد والشكر كما ينبغى لجلال وجهك وعظيم سلطانك

لا إله إلا أنت

[بدر البدور وائل]

بسم الله الرحمن الرحيم
الاستاذ المحترم / محمود سعد

ياريت تقرأ الرساله على الهوا لمصداقيه البرنامج وتجيب المسؤل على التليفون

احنا بنحبك ومالناش غيرك بعد ربنا نشتكي له احنا معلمين مساعدين بالتربيه والتعليم منذ 2008 و2009 بالتعاقد وطبق علينا قانون كادر المعلمين 155 / لسنه 2007 الذى تتجاهل الوزارة والحكومه تطبيقه معنا بشأن زملائنا الناجحين فى اختبارات الكادر 20/11/2009 والذين لم يحصلوا على درجه معلم حتى الان ولم يصرفوا الكادر الذين يذلوننا بيه ونحن القائمين بالعمليه التعليميه واكثر المدرسين متعاقدين ومرتباتنا بعد خصم التأمينات من اصل 465 هى 350 حتى الان مع العلم ان هناك معلمين لا يعملون الا يومان وهم يقبضون 1200 من المدرسين الاساسين الى بيخدوا 200% و150% كادر علشان كل مايطلع الوزير يول احنا حسنا الدخل للمدرسين بس مين بقى الأقدم مع انه لازم العكس لان دول اساسيهم اكبر مننا
اين العدل بين موظف يعمل يوميا وموظف يعمل يومان او ثلاثه
ثانيا متى امتحانت الكادر الجديده للراسبين فى الامتحان السابق والمتعاقدين الجدد2009 متى وقد مر الوقت القانونى عليها طبقا للقانون وانه خلال السنتين لابد ان نحصل على شهادة الصلاحيه ويجوز تجديدها لعام ثالث من الوزير وان لم نحصل عليها سوف تنتهى عقودنا اذا رسبنا فكيف سنمتحن والسنه الثانيه لنا والثالثه لغيرنا توشك على الانتهاء بواسطه العقد المبرم وهناك شرط تعسفى بان نمحوا اميه 10 ليجدد العقد واذا قمنا بمحو اميه اقل من ذلك قد يلغى العقد كيف ذلك اين خريجى الكليات الاخرى والخدمه العامه ليقوموا بذلك لماذا الذل والبهدله احنا لو فى بلد عربى مش هيعملوا فينا كده حرام وكل الى على لسان المسؤلين مساواة المعين بالمتعاقد ازاى وانا ماليش اجازة بدون مرتب حرام هذا الذل
نرجوا سؤال وزير التعليم والتنميه الاداريه بصراحه من جانبكم عن :

1- تحديد ميعاد لامتحانات الكادر للراسبين والمتعاقدين الجدد 2009 بشكل قاطع
2- تحديد ميعاد صرف كادر المعلمين الناجحين 2009 بشكل قاطع
3- تثبيت المتعاقدين ولو مش هيثبتونا يقولوا علشان مش نضيع عمرنا فى بلد متستهلشى ونروح نسافر للى يقدرونا ويحترمونا لانهم هيدونا مرتب على قد تعبنا اما هنا عليه العوض الى بيشتغل زى الى مش بيشتغل مفيش عدل ولو مش هيثبتونا يقولوا بصراحه علشان مش نعيش فى الوهم وقانون الوظيفه الجديد الى هيبقى تعاقد وليس تعيين ونسيبهالهم يمرعوا فيها وبلاش كلام وردى وكلام ليس له معنى من جانب المسؤلين ياريت يقولوا بوضوح يا ابيض او اسود
4- ولا لازم نتظاهرونعتصم علشان تتحقق مطالبنا وهما بالطبع هيلغوا عقودنا اذا حصل كده لانهم هم الى ماسكينا بالعقد هل دى حقوق الانسان والحريه والديمقراطيه مش نطالب بحاجه لان العقد ماسكينا به نناشد رئيس الجمهوريه تثبيت جميع المتعاقدين بجميع الوزارات
5- ياريت تعاملونا زى متعاقدى الشباب والرياضه ولا الكهرباء ولا الاتصالات ولا البترول تخيلوا الى معاه دبلوم وبيشتغل عامل بالبترول او الوزارات السابقه الذكر مرتبهم 3 اضعاف مرتبتنا واحنا الى بنخرجهم ولو طالب عندنا فى الدبلوم الصناعى شغال بيوميه مرتبه الشهرى 4 اضعاف ازاى ارفع عينى فى عينه واسيطر عليه وانا جيبى مافهوش الى فى جيبه ياريت الحكومه تفوق واما بلاش كليات وكنا اشتغلنا صنايعيه من صغرنا
6-
مجموعه من المعلمين بالتربيه والتعليم ( معلمين مساعدين)

[محمود حسين الزيات]

يارب يكون عاجل ماهو كلمةسيتم قريبا بقالنا من بعد ظهور نتيجة الكادر وبنسمعها كتيييييييييييير وكله كدب فى كدب وادى حالنا

[مدرسة الانجلش]

بس فيه امل اهو

ممكن يكون بعيد

بس اهو نتمسك بيه

[amirahmed]

فعلا انا لسة سامعة حالا خير ان شاء الله

[مدرسة الانجلش]

بس انا حسه خير ان شاء الله

[مدرسة الانجلش]

المشاركة الأصلية كتبت بواسطة amirahmed

فعلا انا لسة سامعة حالا خير ان شاء الله

طيب ياريت يامستر امير

تقول اللي سمعته انت كمان

زياده في التأكيد

[the keng]

الف الف مبروك ولكن كلمةسيتم قريبا يتهئ لي اني سمعتها قبل كدا
مع كامل احترامي لاختنا مدرسة الانجلش