وداعاً أيها البطل

[Ahmed ELzaidy]

من النهاردة دى بلدك انت
ماترميش زبالة , ما تكسرش اشارة , ما تدفعش رشوة , بلاش تزوير أوراق , اشتكى أى جهة تقصر فى شغلها , لازم نفكر تفكير علمي وحضاري , ياريت نتخلى عن العادات السيئة اللي كنا عليها قبل كدة وكلنا عارفينها , ياريت نتخلى عن مفهوم الواسطة والمحسوبية والفوضى , ياريت نخلى حياتنا كلها منظمة ومرتبة , ياريت نستخدم التكنولوجيا الحديثة في اشياء نافعة كما استخدمت في ثورة 25 يناير , وياريت نخلى عامل الوقت هو اهم اهتماماتنا , بلاش ننتمي لأحزاب او لأشخاص تهدف الى المعارضة او التخريب فقط , بلاش نفاق او رياء لأشخاص ونخلي الإنتماء الحقيقي لمصر فقط ....
وأهم مفهوم لازم نعرفه هو ( إن كل حاجة حلوة بتعملها او كل حاجة سيئة بتعملها بتعود عليك وعلى البلد كلها )

[محمد فتحي عبد الفتاح]

نعم للتغيير لا للاهانة !!!!!!!!!!!!!!
وانت كمصري ما تنهانتش سواء داخل البلد ولا خارجها ده اللي كان عايز يشتم مصري بس بالادب في الخليج وبالتحديد ي السعودية كان بيقوله تعالى يا مصري روح يا مصري شوف دلوقتي هما هيطقوا من الغيظ ( طبعا العنصريين الحقودين منهم مش كلهم اكيد ) دلوقتي انت تتشرف تقول انا مصري وبعلو صوتك
طيب انتظروا انتظروا شوية لما التحقيقات في قوائم الفساد اللي مش عايزة تخلص تنتهي من اعمالها وتعلن نتائج التحقيقات وبعدين كرموه زي ما انتوا عايزين وبعدين عيب عليك لما توصف قلة قليلة من الناس اللي نافقت الثورة بالفعل بانهم كل او معظم الثوار منهم عيب عليك قوي يا اللي زعلان على اهدار كرامة الريس بتاعك بس ان نفسي بجد يتكرم تكريم يليق بيه وبشلة الحرامية الي تبعه مش هيهدالي بال الا لما اشوف مصيره في التكريم زي تكريم صدام حسين ( عليه رحمة الله ) او اكتر شوية
كلمة اخيرة نفسي اعرف شعوركم ايه يا بهوات يا اللي نازلين الشوارع تهتفوا باسم مبارك - شعوركم ايه لما تثبت التحقيقات وبالمستندات انه الريس بتاعكم هرب مليارات الدولارات من دم الشعب الكادح لخارج البلاد !
هيبقى شعوركم ايه ساعتها لما تعرفوا ان من قوانين البلاد الاوروبية انه لما يموت صاحب الرصيد تتحول نصف الارصدة لهذه البلاد !!!! ومنين ؟ من جيبي وجيبك وجيب ربع الشعب اللي تحت خط الفقر عايزين بقى ساعتها نكرمكم معاه احسن تكريم !!!!!!!!!!!!!