أكاديمية بنى سويف لها السبق

[المعلم الحزين]

سؤال الي الاستاذ داوود هل معني كلامك ان كل شخص وصلته رسالة التهنئة مش هيعمل اي حاجه غير الانتظار طيب هيعرف ازاي او هيتم اخطار ازاي ارجو التوزضيح

[داود احمد]

المشاركة الأصلية كتبت بواسطة معلم مساعد حزين2

سؤال الي الاستاذ داوود هل معني كلامك ان كل شخص وصلته رسالة التهنئة مش هيعمل اي حاجه غير الانتظار طيب هيعرف ازاي او هيتم اخطار ازاي ارجو التوزضيح

بالنسبة لحضرتك يازميل يا عزيز
يا استاذ سيد يحيى أو معلم مساعد حزين 2
وبالرغم من إن معظم ردودك فى معظم الموضوعات بتحمل نوع من السخرية والتهكم وبتتهمنى بالتعالى والفوقية وكمان وبتقول ان اكاديمية بنى سويف نعسانه فى موضوعات قبل كده.
لكن

أولاً :أحب اقولك ان أهل بنى سويف طول عمرهم كرمه وعمرهم مايتعالوا على حد.

ثانياً : بالنسبة للإستفسار حضرتك ممكن تروح الادارة اللى تتبعها تسأل على ميعاد وصول الاسماء ولو حضرتك مش قادر أنا ممكن أسألك لأن انا حبيبى فى المنيا من بنى مزار لحد مالوى أما بالنسبة للإكاديمية حضرتك مش مطلوب منك حاجه حتى هذه اللحظة ومحدش عارف ايه اللى ممكن يحصل بكره.

ثالثاً: نصيحة أخوية من أخ ليا وليك ولكل أعضاء المنتدى أحنا كلنا أخوه فى بعض لازم نهدأ من حدة الكلام مع بعض وكمان أحنا معلمين أى حد من الزوار بيشوف اسلوبنا فى الكلام بيصدم من اللهجه والحوار والمستوى الفكرى اللى بيظهر فيه بالرغم من اننا على كفاءه عاليه جداً فحرام نظلم نفسنا : أنا بقول الكلام ده لنفسى قبل أى عضو .
وأرجو من الجميع أن يتقل كلامى بصدر رحب

[drfayoum2010]

أ . أحمد دواود لك كل الشكر والتقدير على التوضيح " بس بيني وبينك أنا سبقتك بالتوضيح ده من شهر وخمس أيام بالظبط" بس ما تقولش لحد

بس ليا سؤال هو حضرتك كنت ساكت ليه طول الفترة اللي فاتت ، المفروض انك كنت تطمن زمايلك ، يعني انا أول ما عرفت ان اسم زوجتى موجود من تاريخ 17/1 كتبت ردود على موضوعات كتير وقلت فيها هذا الكلام ، على الرغم طبعا انه فيه ناس كتيييييييييييير مكنتش مصدقه .. بس مش مشكلة أهم حاجة انه الواحد كان لازم يعمل اللي عليه ويطمن الناس
ومرة تانية بقولك ألف شكر على مجهودك

[drfayoum2010]

أنا آسف ... اسم حضرتك داود أحمد وليس العكس
أنا آسف مرة تانية

[داود احمد]

المشاركة الأصلية كتبت بواسطة drfayoum2010

أ . أحمد دواود لك كل الشكر والتقدير على التوضيح " بس بيني وبينك أنا سبقتك بالتوضيح ده من شهر وخمس أيام بالظبط" بس ما تقولش لحد

بس ليا سؤال هو حضرتك كنت ساكت ليه طول الفترة اللي فاتت ، المفروض انك كنت تطمن زمايلك ، يعني انا أول ما عرفت ان اسم زوجتى موجود من تاريخ 17/1 كتبت ردود على موضوعات كتير وقلت فيها هذا الكلام ، على الرغم طبعا انه فيه ناس كتيييييييييييير مكنتش مصدقه .. بس مش مشكلة أهم حاجة انه الواحد كان لازم يعمل اللي عليه ويطمن الناس
ومرة تانية بقولك ألف شكر على مجهودك

العفو يا استاذنا وأنا متهيألى أعرف حضرتك لوكنت حضرتك دكتور تاريخ فى جامعة عين شمس
بس السبب الرئيسى اللى خلانى مقولش الكلام ده
انى عارف ان الناس مش هتصدق وممكن ناس كانت هتشتمنى أو توصفنى بالجنون أو بأنى عميل للحكومة أو أى حاجة من الحاجات اللى بنشوفها ونستاء منها .
ثانياً: لأن مكناش هنتعين قبل ما يصدر القرار اللى لازم يمر عليه سنه .
ثالثاً: كان هيحصل ضجة فى الاكاديمية كبيره وكان ممكن تتخذ ضد الناس المحترمه اللى بتعمل هناك إجراءات تعسفية واتهامات زى ما انت عارف وزى ما حصل من بعض الناس .
رابعا : الاكاديمية مكنش عندها سلطة انا تقول ان الاسماء دى هتتعين على مسئوليتها .
خامساً: انا مبحبش اسبق الاحداث ولا أكون كذاب لأن قرارات الدنيا كلها إحتماليه والحقيقة الوحيده هى الموت وهكذا علمنى التاريخ.

وشكراً جزيلاً لحضرتك