إئتلاف ورابطة معلمى المدارس الخاصة بمصر... أدخل وأنضم وشارك معنا

[شاعره القطرين]

السلام عليكم ورحمة الله وبركاته
احنا مدرسين المدارس الخاصة بالشرقية
مش واخدين حقوقنا خالص من اجازات ولا مكافأت
وعندما تعاقدت معنا المدرسة لتأمن علينا وقعنا على إستقالة من المدرسة
واللى بيحصلها ظروف ولادة او جواز فى العام الدراسى مبتأخدش اكتر من اسبوعين
اجازة بتكون كلها قلق لحسن يجيبوا غيرها
والمرتبات ضعيفة جدا لا تتجاوز ال150 جنيه وأجازة الصيف بالكامل بدون مرتب
يزيد فى بداية العام الدراسى بمعدل 10 جنيه فقط عن كل عام
ونحن لانعرف الاساسى بتاعنا ولا نوقع على مرتباتنا
وبنوقع على مكافأة آخر العام على بياض
ولا يتم التأمين علينا الا بعد مرور سنوات من العمل بالمدرسة
والجداول كبيرة جدا اكبر من الاحتمال
ولا يوجد احساس بالامان فى المدرسة من جانب المدرسات
وكل المدرسات تضطر الى اعطاء دروس خصوصية والاخذ من وقت اطفالها
وبيتها فقط فى سبيل تحسين مستوى معيشتها
بالرغم ان كلنا حاصلين على مؤهلات تربوية عالية ولنا اعوام
كثيرة فى الخبرة فى التدريس
وندرس اكثر من منهج واحد فى المدرسة